Andrej Vaškievič, Andrej Čarniakievič, Jury Hardziejeŭ, Ihar Łapiecha i Aleś Smalančuk zaniepakojenyja losam pałacava-parkavaha kompleksu ŭ Śviacku.
Andrej Vaškievič, Andrej Čarniakievič, Jury Hardziejeŭ, Ihar Łapiecha i Aleś Smalančuk zaniepakojenyja losam pałacava-parkavaha kompleksu ŭ Śviacku.
U adkrytym liście na imia Paŭła Łatuški historyki zaznačajuć:
Pałacava-parkavy kompleks u Śviacku, pabudavany dla mahnataŭ Vałovičaŭ italjanskim architektaram Dž. Saka, źjaŭlajecca ŭnikalnym pomnikam śvieckaj architektury baroka ŭ maštabach usioj našaj krainy. Heta badaj što adziny tvor Dž. Saka, jaki dajšoŭ da nas faktyčna ŭ niaźmiennym vyhladzie. Bolšaść uźviedzienych im budynkaŭ abo zahinuli, abo byli vielmi mocna pierabudavany (Hrodzienski Novy Zamak, budynki Haradnicy ŭ Hrodnie i inš).
Unutry pałaca zachavalisia ŭnikalnyja interjery, anałahičnych jakim u Biełarusi nie isnuje.
Na praciahu niekalkich dziesiacihodździaŭ u budynkach pałaca raźmiaščaŭsia tubierkulozny sanatoryj. Jaho kiraŭnictva padtrymlivała pałac u zdavalniajučym stanie, ładziačy ŭsie nieabchodnyja ciakučyja ramonty.
Try hady tamu tubierkulozny sanatoryj vysieliŭsia z pałaca, a jaho budynki byli pieradadzieny na bałans upraŭleńnia adukacyi Hrodzienskaha rajona.
Za minuły čas u pałaca amal poŭnaściu razburyłasia źliŭnaja sistema. Usio heta pryviało da nadzvyčaj imklivaha razbureńnia ścien pałaca. Zvonku pa ich ściakaje vada, a znutry ścieny pakrylisia toŭstym słojem pleśni i mochu.
Isnuje pahroza dla zachavanaści interjeraŭ.
Padobnaje staŭleńnie da kaštoŭniejšaha pomnika architektury možna patłumačyć elemientarnaj chałatnaściu i biezadkaznaściu.
Toje, što ŭčora možna było adnavić za niekalki miljonaŭ biełaruskich rubloŭ (adnaŭleńnie źliŭnoj sistemy), siońnia abydziecca dziaržavie ŭ sotni tysiač dalaraŭ (prasuška i restaŭracyja častkova razburanych ścien).
Aŭtary adkrytaha lista prosiać Paŭła Łatušku ŭziać los pałaca ŭ Śviacku pad asabisty kantrol, paspryjać adnaŭleńniu źliŭnoj sistemy i chacia b elemientarnaj kansiervacyi razburanych ścienaŭ.
Prablema Śviacku nie ŭ tym, što tam stajać ruiny, jakija treba adnaŭlać. Narmalny budynak prosta razvalvajecca z kožnym miesiacam.
Heta pry tym, što Śviacki pałac — samy važny abjekt, jaki jość na Aŭhustoŭskim kanale.
Turystyčnyja hrupy, jakija naviedvajuć Aŭhustoŭski kanał, na svaje vočy bačać katastrafičnaje razbureńnie hetaha pomnika, jakoje moža stać niezvarotnym.
Kamientary