Patrebnyja mocnyja niervy i surjoznyja ŭkładańni. Jak pačać biznes pa zdačy kvatery na sutki

Da čaho treba być hatovym

— Pieršaje — treba razumieć, što heta biznes z surjoznaj siezonnaściu. Buduć časy, kali kvatera budzie zdavacca na ŭra, a buduć, kali jana budzie prastojvać, i vy nie budziecie viedać, jak zapłacić padatak.

Druhoje — heta biznes, jaki patrabuje surjoznych układańniaŭ na starcie — budziecie vy kvateru kuplać ci zdymać u kahości, rabić ramont, abstaŭlać jaje meblaj i technikaj. Važna ŭśviedamlać, što sa 100 dołarami ŭ kišeni taki startap dakładna nie zrabić.

Treciaje — hety biznes patrabuje dastatkova hłybokaha zanureńnia. Albo vam samim, albo vašym svajakam, pamahatym ci siabram pryjdziecca być uciahnutymi ŭ praces. Zdajučy kvateru na sutki, vy pavinny być hatovyja, što vam buduć telefanavać u 5 ranicy, kab paviedamić: «A my pryjechali».

Čaćviortaje — tut nielha być mocna ŭražlivym. Tut vam niechta moža zatapić kvateru, nie zapłacić i da taho padobnaje. Treba razumieć, što niejkija ekstraardynarnyja situacyi tut uvieś čas buduć.

Z čaho pačać

Kab zdavać kvateru, vam patrebnaja ŭłasna kvatera. Jość dva varyjanty: vy možacie zdavać ułasnuju nieruchomaść abo pierazdavać arandavanuju na praciahły termin.

— Zdajecca, što ŭsio prosta: pierazdaješ čužuju kvateru i zarablaješ vialikija hrošy. Nasamreč, usio nie tak prosta. Dla taho, kab źniać kvateru na praciahły termin i pierazdać jaje, vy pavinny papiaredzić uładalnika. Adrazu skažu, što kvateru z dobrym ramontam nichto vam u takim vypadku nie zdaść. Chutčej za ŭsio, daviadziecca raźličvać na kvatery ź siarednim ramontam abo «zabityja». I, zrazumieła, kali čałaviek čuje, što vy źbirajeciesia pierazdavać jaho kvateru, jon skaža: nu tady płaci daražej. Zvyčajna pierapłačvać davodzicca 25-30%. Heta standartnaja situacyja.

Jašče momant: kab narmalna zarablać na pasutačnaj arendzie, vam treba mieć niekalki kvater, tamu što kali vy budziecie zdavać adnu kvateru, to vy budziecie zarablać tolki na padatak, na arendu haspadaru i na kamunalnyja. Heta značyć, lepš adrazu šukać 5-6 kvater, ci navat nie pačynać hety biznes.

Asnoŭny aktyŭ pasutačnaha biznesu — heta pastajannyja klijenty. Kali adna z kvater zaniataja, vy pavinny prapanavać klijentu inšaje žyllo, bo jon sydzie šukać inšaje. Kali letam zvyčajna ŭ haradach šmat turystaŭ, to ŭ nizki siezon vyžyć možna tolki za košt pastajannych klijentaŭ abo kamandzirovačnych.

Jakuju kvateru vyhadna zdavać

— Maksimalnaja maržynalnaść budzie ad adnapakajovaj kvatery. Układańni buduć mienšyja, čym na dvušcy-trošcy, a patencyjnych arandataraŭ budzie bolš. Kali vy tolki pačynajecie hety biznes, rekamienduju kuplać (abo zdymać) mienavita adnapakajovuju. Pry vybary kvatery nieabchodna dumać jak pakupnik. Kali vaš horad papularny ŭ turystaŭ, to vy pavinny pryviazvacca da kvatery, jakaja budzie znachodzicca ŭ niejkim znakavym miescy — u histaryčnym centry, na piešachodnaj vulicy, pobač z vakzałam i h. d. Mienavita hetyja miescy pryciahvajuć turystaŭ.

Kali vy vybirajecie pamiž novaj kvateraj u spalnym rajonie, albo staroj chruščoŭkaj u centry, to vybirajcie centr. Turysta ŭ pieršuju čarhu cikavić łakacyja. Da taho ž, praściej kupić maksimalna zabituju kvateru i zrabić tam ramont, čym kuplać novuju kvateru z ramontam.

Jaki ramont zrabić

− Dla ramontu treba vybirać takija adździełačnyja materyjały, jakija potym praściej budzie myć. Vy pavinny razumieć, što pyrski ad šampanskaha na ścianie — heta nie zdareńnie, heta norma dla hetaha vidu biznesu. Što da mebli i bytavoj techniki, to ŭsio pavinna być maksimalna prostaje, praktyčnaje i nie vielmi darahoje. Treba być hatovym da taho, što ŭsio heta budzie chutka znošvacca i navat łamacca.

Jašče momant: u kvatery bolš patrebny bojler, čym kandycyjanier.

Pamiatajcie, što ŭ lubym vypadku z kvateraj buduć zdaracca fors-mažory. Śviatkavali dzień naradžeńnia dački — złamali ścianu. Maładyja zapalili śviečki — spalili stol. Heta narmalnyja rečy dla hetaha vidu biźniesu. Z-za hetaha nielha mocna pieražyvać. Dla taho, kab zaścierahčysia, treba siabie maksimalna zastrachavać — zaklučać damovu, pytacca pašpartnyja danyja.

Paŭmiljona dalaraŭ za čatyrochpakajoŭku. Pahladzicie, jakuju kvateru pradajuć u słavutym rajonie Minska

Što ciapier u novym hateli, jaki adkryŭsia na miescy 2-j haradskoj balnicy

Ceny na kvatery buduć raści ci padać? Što ciapier z rynkam žylla ŭ Minsku

• 4
• 0
• 4
• 4
• 1
• 1
• 1
• 0