Paŭmiljona dalaraŭ za čatyrochpakajoŭku. Pahladzicie, jakuju kvateru pradajuć u słavutym rajonie Minska
Asmałoŭka — heta pieršy elitny mikrarajon paślavajennaha Minska. Dvuchpaviarchovyja damy z cehły, sabranaj na razburanych vulicach, budavali pałonnyja niemcy pa prajekcie architektara Michaiła Asmałoŭskaha — adsiul i nazva. Prosta ciapier u hetym kamiernym kutku ŭ samym centry Minska pradajecca cikavaja čatyrochpakajovaja kvatera premium-kłasu, paviedamlaje Realt.by.
Dom byŭ uźviedzieny ŭ 1948 hodzie, a ŭ 2020-m tut prajšoŭ kapramont.
U abjavie paviedamlajecca, što dom pabudavany z cehły ručnoha vyrabu, jakaja padčas apošniaha ramontu była bieražliva adrestaŭravanaja i zachavanaja ŭ interjery. Dźviuch adnolkavych cahlin tut vy nie znojdziecie!
Žyllo padzielenaje na zony — tut jość prastornaja kuchnia-haścioŭnia, dziciačaja, spalnia, kabiniet, harderobnaja i dva sanvuzły.
Vartaści kvatery − vializnyja vokny, vysokija stoli (3 mietry), ciopłyja padłohi, śviežy ramont. Tut praviedzienaja poŭnaja rekanstrukcyja pamiaškańniaŭ i pierakryćciaŭ z šumaizalacyjaj, a ŭsie staryja kamunikacyi zamienienyja na sučasnyja.
U kvatery majecca indyvidualnaje hazavaje aciapleńnie i padahreŭ vady. Majecca razvodka prytokava-vyciažnoj vientylacyi. Kvatera abstalavana achovaj, tut praviedzienaje optavałakno i videadamafon. Z paślavajennych «bonusaŭ» majecca padvał.
Miarkujučy pa fatahrafijach, u kvatery zrobleny dyzajnierski ramont. Tut šmat adkrytaj cahlanaj muroŭki, dubovyja padłohi, aŭtentyčnyja belki na stoli.
Asobna varta adznačyć raźmiaščeńnie doma. U krokavaj dastupnaści ŭ novych žycharoŭ budzie Opierny teatr, Trajeckaje pradmieście i nabiarežnaja raki Śvisłač.
Paviedamlajecca, što ŭličvajučy «hieahrafiju», hetuju kvateru možna vykarystoŭvać, jak dla žyćcia, tak i z metaj zdačy ŭ arendu.
Košt kvatery ŭ Asmałoŭcy — 480 tysiač dalaraŭ (3785 za «kvadrat»).
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im1111
Kamientary