Hod tamu ajcišnik Andrej Zielcer padčas šturmu jaho kvatery zabiŭ supracoŭnika KDB
28 vieraśnia 2021 hoda na vulicy Jakuboŭskaha ŭ Minsku supracoŭnik KDB, staršy lejtenant Dźmitryj Fiedasiuk byŭ zastreleny ajcišnikam Andrejem Zielceram. Zielcera zastrelili ŭ adkaz.
Imia 31-hadovaha ajcišnika Andreja Zielcera, jaki zastreliŭ svajho adnahodku, supracoŭnika KDB Dźmitryja z pazyŭnym «Nirvana», stała viadomaje amal adrazu, a Fiedasiuk doŭhi čas byŭ nieviadomy.
Praŭładnyja kanały davoli chutka apublikavali videa šturmu kvatery, jakoje zdymali nie tolki siłaviki, ale i žonka Zielcera. Praŭda, kadraŭ, źniatych na telefon Uśpienskaj, tak i nie apublikavali.
Pieratrus u Zielcera byŭ adnym z tysiač takich akcyj padčas masavych represij. Adnak heta byŭ adziny vypadak, kali achviara sustreła siłavikoŭ sa zbrojaj u rukach.
Hetaja biesprecedentnaja padzieja vyklikała ŭ biełarusaŭ buru emocyj, a taksama šmat pytańniaŭ. Heta ž paciahnuła za saboju sotni kryminalnych spraŭ za kamientaryi ŭ bok siłavikoŭ. Prysudy pa hetych spravach praciahvajuć vynosić da hetaj pary.
Taksama byŭ zatrymany žurnalist «Kamsamolskaj praŭdy» Hienadź Mažejka — za stanoŭčy artykuł pra Zielcera ŭ dziacinstvie. Tady ž byŭ zabłakavany sajt kp.by i spynienaja dziejnaść biełaruskaj redakcyi. Sud nad žurnalistam dahetul nie adbyŭsia. Mažejku staviać u vinu dva artykuły Kryminalnaha kodeksa: ab raspalvańni sacyjalnaj varožaści (art. 130) i ab abrazie pradstaŭnika ŭłady (art.369 KK), paviedamlajuć pravaabaroncy.
Maryi Uśpienskaj, žoncy Andreja Zielcera, prysudzili prymusovaje lačeńnie. Jana była vyzvalenaja ad kryminalnaj adkaznaści «za ŭčynienyja joju ŭ stanie nieprytomnaści hramadska niebiaśpiečnyja dziejańni».
6 kastryčnika 31-hadovaha prahramista Andreja Zielcera pachavali na Lasnych mohiłkach u minskim mikrarajonie Šabany. Cieła Andreja pryvieźli na mohiłki naŭprost z morha, pakolki ŭsim rytualnym załam zahadali admovicca pravodzić cyrymoniju raźvitańnia.
Dmitryja Fiedasiuka ŭračysta pachavali 1 kastryčnika. Łukašenka paśmiarotna ŭznaharodziŭ jaho ordenam «Za asabistuju mužnaść».
-
Usio zdaryłasia na Novy hod. Śmierć samaj publičnaj supracoŭnicy minskaha AMAPa dahetul pakidaje pytańni
-
Chalezin: Samyja vialikija hanieńni na Svabodny teatr byli pry Łatušku. Ale jamu nie treba kajacca pierada mnoju
-
Ci mohuć nie puścić u kramu za 5 chvilin da zakryćcia i da jakoha času pavinny pracavać kasirki
Usio zdaryłasia na Novy hod. Śmierć samaj publičnaj supracoŭnicy minskaha AMAPa dahetul pakidaje pytańni14
Kamientary