U siecivie žartam dałučyli Kalininhradskuju vobłaść da Čechii. Rasija aburyłasia
Češski deputat Jeŭraparłamienta Tomaš Zdechoŭski padzialiŭsia ŭ siabie ŭ tvitary humarystyčnaj kartaj, stvoranaj polskim internet-karystalnikam. Karta pakazvaje hipatetyčny padzieł Kalininhradskaj vobłaści Rasii pamiž Polščaj i Čechijaj. Rasijanie žartaŭ nie acanili.
Adzin z ananimnych karystalnikaŭ tvitara apublikavaŭ u svaim akaŭncie kartu, jakaja dzialiła Kalininhradskuju vobłaść na dźvie častki. Adna ź ich naležała Polščy, a inšaja — Čechii. Pad humarystyčnaj karcinkaj byŭ podpis: «Čas padzialić Kalininhrad tak, kab u našych bratoŭ-čechaŭ narešcie byŭ vychad da mora».
Internet-karcinka stała nabirać papularnaść, joj dzialilisia navat češskija palityki. Jeŭradeputat Tomaš Zdechoŭski napisaŭ: «Jak ža tut nie lubić palakaŭ?»
“Je čas rozdělit Kaliningrad, aby naši čeští bratři měli konečně přístup k moři”
A pak nemilujte Polaky https://t.co/hLhyBDZQJm
Čechi masava padchapili ideju i stali spasyłacca na niadaŭna praviedzienyja va Ukrainie psieŭdarefierendumy. Jany navat stvaryli profil «novaj terytoryi» ŭ tvitary.
«Sardečna zaprašajem u aficyjny profil horada Královec. Paśla paśpiachovaha refierendumu 97,9% žycharoŭ Kalininhrada vyrašyli abjadnacca z Čechijaj i pierajmienavać Kalininhrad u Královec», — havorycca ŭ paviedamleńni.
«Refierendum» pravioŭ u svaim profili Tomaš Zdechoŭski — jon spytaŭ u im, ci pavinien Kalininhrad być polska-češskim, daŭšy na vybar tolki dva adkazy: «tak» i «adnaznačna tak».
Jość taksama žartaŭlivyja karcinki ministra zamiežnych spraŭ Čechii z prezidentam ZŠA Džo Bajdenam.
BREAKING. #Královec pic.twitter.com/8NDnidYlHk
Jeŭradeputat Zdechoŭski nahadaŭ, što Kalininhrad byŭ zasnavany ŭ honar češskaha karala Pržemysła Otakara II.
Ale mnohija rasijskija šavinistyčnyja internet-partały ŭspryniali žart surjozna. Partał EurAsia Daily vielmi surjozna pastaviŭsia da satyryčnaha dopisu palityka. EurAsia Daily apublikavaŭ artykuł z abureńniem, dzie apisvaje «sumnieŭnuju ideju» praviadzieńnia refierendumu ab padziele Kalininhradskaj vobłaści.
Žart pačaŭ žyć svaim žyćciom, i surjoznaje abureńnie rasijan pakazała, nakolki nizki intelektualny ŭzrovień u tamtejšych prapahandystaŭ.
Jeŭradeputat Zdechoŭski taksama adznačyŭ, što rasijanie staviacca da siabie zanadta surjozna, jak u pytańniach palityki, tak i ŭ mižnarodnych adnosinach. Jon zajaviŭ, što «treba pakazać Maskvie, što jany nie bajacca jaje i jaje pahroz, i hatovyja padtrymać Ukrainu ŭ jaje baraćbie za viartańnie ŭsich jaje terytoryj».
Taksama palityk dadaŭ, što Rasija pavinna mocna pieraasensavać svaje dziejańni na mižnarodnaj arenie.
Konečně smysluplná petice. Díky @az247cz. https://t.co/wHiFBlaT6S pic.twitter.com/sR0mOdJ1nG
The amusing idea of Kaliningrad (Královec in Czech) being annexed to has really taken off in recent days! pic.twitter.com/rSGsBjjrO9
— Grzesiek (@Grzesiek9078) October 4, 2022
Akramia taho, u internecie była stvoranaja pietycyja pra anieksiju Kalininhrada Čechijaj, kab pakazać, nakolki absurdnyja psieŭdarefierendumy na akupavanych terytoryjach Ukrainy.
«Jak pakazała nam Rasija ŭ Krymie, a ciapier pakazvaje na ŭschodzie Ukrainy, całkam narmalna ŭvajści na terytoryju zamiežnaj dziaržavy, abviaścić tam refierendum, a zatym anieksavać jaje», — pišuć aŭtary pietycyi.
«Padčas svajho isnavańnia horad naležaŭ Prusii, Polščy, Hiermanii, a ciapier i Rasii. My miarkujem, što Rasija zanadta doŭha hulała z Kalininhradam, i pryjšoŭ čas znoŭ addać jaho ŭ novyja ruki. I pakolki horad byŭ zasnavany ŭ honar češskaha karala, jon pavinien pierajści ŭ ruki zakonnaha ŭładalnika», — pierakonvajuć aŭtary pietycyi.
«U nas jość unikalnaja mahčymaść pašyryć terytoryju Čechii i, narešcie, atrymać dostup da mora. Tamu my patrabujem ad urada Češskaj Respubliki adpravić češskich sałdat u Kalininhrad, abviaścić tam refierendum, jaki zavieršycca vynikam 98 adsotkaŭ za dałučeńnie da Čechii, a zatym anieksavać Kalininhrad», — havorycca ŭ žartaŭlivaj pietycyi.
— Tomáš Zdechovský (@TomasZdechovsky) October 3, 2022
«Jakaja jašče češskaja viza ŭ Kalininhrad?»
Uważam, że ta akcja z anektowaniem #Kralovec przez Czechy jest czymś wspaniałym:
- wyśmiewamy nielegalne aneksje i referenda ru
- uświadamiamy jak działa rosyjska propaganda
- dobrze się bawimy
Mam nadzieję, że rozleję się to po internetach szerzej.
Brawo @KralovecCzechia :) pic.twitter.com/ZfV97oRaio
«Jak napisana ŭ Biblii, kali čechi chočuć Kalininhrad, niachaj jon budzie ŭ ich…»
Make Kaliningrad Královec again! Czech navy needs access to the Baltic sea :) #Kralovec #KaliningradIsCzechia podziękowania dla braci Polaków za współpracę @tomaszkomentasz pic.twitter.com/210xQwbgmq
Niezwyciężona Czeska Marynarka Wojenna
NIE PRZEGRAŁA jeszcze ani jednej bitwy morskiej #Kaliningrad #Kralovec #KaliningradIsCzechia pic.twitter.com/TDMRnLx1sd
«Niepieramožny Češski fłot. Nie prajhraŭ jašče nivodnaj marskoj bitvy»
Jak bude zítra.#KaliningradIsCzechia pic.twitter.com/7n54tYEngS
Make #Kralovec great again! pic.twitter.com/3h5A08k74W
Što zapisana aficyjnaj pryčynaj śmierci adzinaha syna Jarmošynaj?8
Kamientary