«Atrymała svajho rodu nož u śpinu». Z «Minskaj praŭdy» zvolnili adyjoznuju prapahandystku
Pra svajo zvalnieńnie Alena Kurchinien sama raskazała ŭ sacyjalnych sietkach. Zvolnili jaje jašče 26 vieraśnia.
Jak śćviardžaje Alena Kurchinien, jaje načalnica Łarysa Koršun skazała, što kali žančyna nie napiša zajavu na zvalnieńnie pa parazumieńni bakoŭ, to jana źvierniecca ŭ sud z pryčyny raspaŭsiudžvańnia Alenaj jaje asabistaj pierapiski. Pry hetym Kurchinien paćviardžaje, što «sapraŭdy pary supracoŭnikaŭ z redakcyi «Minskaj praŭdy» (jakim daviarała, zrazumieła!) skinuła skryn jaje paviedamleńnia».
«Sutnaść jaje paviedamleńnia mnie — kab ja takija krynžovyja videa zdymała dla svajho kanała ŭ jutubie», — piša Kurchinien pra načalnicu. I kaža, što «prosta ŭ šoku, jak chutka ŭsio tady adbyłosia», dadajučy, što «atrymała svajho rodu nož u śpinu». Bo, maŭlaŭ, z 2020 hoda padtrymlivała Łukašenku i ŭsiudy «demanstravała aktyŭnuju pazicyju», udzielničajučy ŭ jakich tolki možna praŭładnych akcyjach i zmahajučysia z nacyjanalnaj simvolikaj. U suviazi z hetym jana aburajecca tym, jak jaje načalnica «rasparadžajecca losami ludziej, prybiraje tych, chto čamuści staŭ niazručnym».
Alena Kurchinien viadomaja svaimi videa z pajezdkami pa haradach Biełarusi, padčas jakich pravodziła apytańni miascovych žycharoŭ na roznyja temy — ad staŭleńnia da ŭłady da «prapahandy ŁHBT na Zachadzie». Padčas hetych apytańniaŭ jana nie prosta vysłuchoŭvała surazmoŭcaŭ, a imknułasia navodziačymi pytańniami i kamientarami padšturchnuć ich da «pravilnych» adkazaŭ.
-
Što viadoma pra źniavolenych u Biełarusi hramadzian Ukrainy, jakija siońnia niečakana zdabyli volu?
-
Łukašenka nie pavieryŭ Ryžankovu. Piatkievič vyhladaje procivahaj Krutomu. A Kruty — vialikaja zahadka
-
«Ukraina Biełarusi nie pahražaje, my vymušanyja abaraniacca». Ukrainskaja pamiežnaja słužba adkazała biełaruskaj
Kamientary
a nakont ludajedki, to da. ludzi admachvajucca ad jaje, nie chočuć havaryć, iduć dalej. a jana ŭsio adno škandybaje za imi i čaplajecca