My, vykładčyki Departamienta palityčnych navuk EHU, u hetym adkrytym liście chacieli b patłumačyć našu pazicyju ŭ kanflikcie ŭ vyniku pryznačeńnia novaha kuratara bakałaŭrskaj prahramy «Palitałohija i jeŭrapiejskija daśledavańni».
My, vykładčyki Departamienta palityčnych navuk EHU, u hetym adkrytym liście chacieli b patłumačyć našu pazicyju ŭ kanflikcie ŭ vyniku pryznačeńnia novaha kuratara bakałaŭrskaj prahramy «Palitałohija i jeŭrapiejskija daśledavańni».
My hłyboka zaniepakojenyja situacyjaj z parušeńniem dekłaravanych Jeŭrapiejskim humanitarnym univiersitetam pryncypaŭ pavahi akademičnych svabod i pabudovy univiersiteta, jaki adpaviadaje vysokim standartam u halinie demakratyčnych pryncypaŭ i kaštoŭnaściaŭ.
Usialak vitajučy i padtrymlivajučy pryncypy akademičnych svabod i samakiravańnia, my nieadnarazova rabili zachady pa ich realizacyi ŭ žyćci i dziejnaści bakałaŭrskaj prahramy i departamienta palitałohii EHU. U pryvatnaści, takimi krokami byli pradstaŭleńnie pry kancy 2008 hoda «Kancepcyi raźvićcia palityčnaj navuki i adukacyi ŭ EHU», jakaja praduhledžvaje ŭviadzieńnie pryncypaŭ akademičnaha samakiravańnia, i praviadzieńnie vybaraŭ kiraŭnictva bakałaŭrskaj prahramy. Vybary, praviedzienyja ŭ sakaviku 2009 hoda, pavinny byli prademanstravać hatoŭnaść supolnaści da ŭviadzieńnia samakiravańnia. Vyznajučy pryncypy akademičnych svabod, my nie možam pahadzicca z adnabakovymi i nieprazrystymi rašeńniami ab pryznačeńni kirujučaha akademičnaha składu i słužbovych asob departamienta. U pryvatnaści z:
• skasavańniem vynikaŭ vybaraŭ kiraŭnika prahramy, jakija prachodzili zimoj 2009 h.
• pryznačeńniem su‑dyrektaram departamienta A. Ściapanava biez papiaredniaha abmierkavańnia z vykładčyckaj supolnaściu (sakavik 2009 hoda).
• pryznačeńniem na pasadu kuratara bakałaŭrskaj prahramy K. Tkačova biez papiaredniaha abmierkavańnia kandydatury z supracoŭnikami departamienta i biez zabieśpiačeńnia mahčymaści razhladu alternatyŭnych kandydatur (vierasień 2009 hodu).
• Pierapryznačeńniem S.A. Navumavaj dyrektaram departamienta Palityčnych navuk biez abmierkavańnia kandydatury z supracoŭnikami departamienta (vierasień 2009 hodu).
Ličym, čto takija dziejańni źjaŭlajucca hrubym parušeńniem dekłaravanych EHU pryncypaŭ akademičnych svabod i samakiravańnia.
U suviazi z hetym my abviaščajem ab prypynieńni svajho ŭdziełu ŭ navučalnym pracesie da taho času, pakul hetyja rašeńni nie buduć pierahledžanyja ŭ adpaviednaści z dekłaravanymi EHU pryncypami akademičnych svabod i demakratyi.
My razumiejem, što nie ŭsie supracoŭniki departamienta zmohuć prypynić svoj udzieł u navučalnym pracesie i nijakim čynam nie asudžajem ich vybar. Ale my byli b udziačnyja za publičnuju padtrymku našych patrabavańniaŭ, pakolki pierakananyja, što abarona akademičnych svabod i ŭniviersiteckaha samakiravańnia adpaviadajuć intaresam usioj vykładčyckaj supolnaści EHU.
My taksama źviartajemsia da akademičnaj supolnaści Biełarusi i Litvy i raźličvajem na ich padtrymku i razumieńnie.
Z pavahaj,
vykładčyki Departamienta palityčnych navuk EHU Andrej Kazakievič, Andrej Jahoraŭ, Siarhiej Bohdan, Dzianis Mieljancoŭ, Alaksiej Dziermant, Taćciana Čyžova, Taćciana Vadałažskaja
Kamientary