Jak rasijanie vykarystoŭvajuć kryptavaluty dla zboru hrošaj na vajnu
Daśledčyki vyjavili nie mienš za 4 miljony dalaraŭ kryptavalutnych achviaravańniaŭ rasijskim vajennym hrupam.
Ad samaha pačatku vajny va Ukrainie zachodni śviet pačaŭ prymać miery pa razryvie ekanamičnych suviaziaŭ z Rasijaj. Ale navat kali niekatoryja sankcyi vyklučali Rasiju z suśvietnaha handlu, miljony dalaraŭ praciahvali pastupać niepasredna ŭ rasiejskija vajennyja hrupoŭki ŭ kryptavalucie, raspaviadaje Wired.
Zhodna z analizam niekalkich kampanij, atrymalnikami źjaŭlajucca vajenizavanyja hrupoŭki. Srodki iduć u asnoŭnym na bojeprypasy i abstalavańnie, a taksama vajennym padradčykam i vytvorcam zbroi.
Rasśledavalnickaja hrupa Binance vyjaviła, što nie mienš za 4,2 miljony dalaraŭ u kryptavalucie byli pieradadzieny rasiejskim vajennym hrupoŭkam ź lutaha, ale śćviardžajecca, što ahulnaje finansavańnie moža być značna bolšym.
Achviaravańni davoli časta pačynalisia z publičnych paviedamleńniaŭ u Telegram z prośbaj ab zbory srodkaŭ. U hetych paviedamleńniach padpisčykam paviedamlałasia, što sabranyja hrošy buduć vykarystany na ŭsio: ad uzbrojenych bieśpiłotnikaŭ da radyjostancyj, aksiesuaraŭ dla vintovak i broniekamizelek.
Na aŭkcyjon navat sprabavali vystaŭlać NFT dla padtrymki tak zvanych «prarasiejskich apałčencaŭ», chacia hetyja NFT byli vydalenyja z rynku, na jakim jany raźmiaščalisia, pierš čym byli zrobleny pieršyja staŭki.
Pieraškodzić kryptavalutnaj padtrymcy rasijskaj ahresii davoli niaprosta. Biržy mohuć błakiravać abo zamarožvać srodki ŭ punktach ich abmienu na tradycyjnuju valutu, ale bolšaść srodkaŭ byli abnajaŭleny praz rasijskija biržy, jakija nazyvajuć abmieńnikami z «vysokaj ryzykaj». U ich praktyčna adsutničajuć miery zaściarohi suprać złačynnaha admyvańnia hrošaj. Šmat z hetych rasijskich biržaŭ-izhojaŭ užo stali abjektam zachodnich sankcyj za ich šyrokaje vykarystańnie złačyncami.
Adnak nie kožnaja birža, jakaja słužyła bankamatam dla rasiejskaha vajennaha kraŭdfandynhu, znachodzicca ŭ Rasii. Błakčejn-analityki adznačali i abmiennyja siervisy ź Indyi i Kitaja.
Navat kali biržy sočać za padsankcyjnymi zborščykami srodkaŭ, hetyja brudnyja hrošy nie zaŭsiody lohka vyjavić. Tak prarasijskija złačyncy ŭsio čaściej vykarystoŭvajuć «masty» abo «svopy» — siervisy, jakija dazvalajuć lohka abmieńvać adnu kryptavalutu na inšuju, časta nie patrabujučy nijakaj identyfikacyjnaj infarmacyi. Takimi ž mietadami adbyvajecca admyvańnie hrošaj.
-
Padryŭ «Paŭnočnaha patoku»: stali viadomyja kulisy dziorzkaj dyviersii, rola Załužnaha i Polščy
-
Minabarony Rasii abvinavaciła USU va ŭdary pa hazavymiaralnaj stancyi «Sudža» z dapamohaj HIMARS
-
Pucin prapanavaŭ uvieści źniešniaje kiravańnie va Ukrainie dla praviadzieńnia vybaraŭ i paabiacaŭ dabić USU
Kamientary