«Usim pryvitusiki». Kiroŭca tralejbusa ź Minska viadzie niastrymny TikTok
TikTok nie tolki daje raskrycca maładym ludziam, ale i dapamahaje tranślavać svoj bol minskaj kiroŭcy tralejbusa Inie. Jana pościć karotkija videa, dzie vučyć ludziej pravilnym pavodzinam u hramadskim transparcie i śmiajecca z paŭsiadzionnaści — roliki źbirajuć niamała prahladaŭ. Praŭda, niadaŭna jaje za heta vyklikali da načalstva
U adnym sa svaich «prafiesijnych» videa žančyna pakazvaje, što nie treba hrukać u akienca kiroŭcy, kali chočacie nabyć tałončyk. Jana adznačaje, što kiroŭca bačyć pasažyraŭ i pradaść kvitok padčas prypynku.
Taksama Ina raskazvaje, jak pravilna stajać u hramadskim transparcie, što nie treba trymać dźviery tralejbusa dla inšych pasažyraŭ i jak być, kali ty zasnuŭ u transparcie i prajechaŭ svoj prypynak.
Niekatoryja pavučalnyja roliki biełaruski nabirajuć sotni tysiač prahladaŭ. Naprykład, hety.
Z pačućciom humaru ŭ minčanki taksama niabłaha. Jana vykarystoŭvaje roznyja viasiołyja maski i zdymaje ź imi videa ŭ tralejbusie.
Taksama žančyna ŭ svaim akaŭncie raskazvaje pra ŭmovy pracy i zarpłaty kiroŭcaŭ («Na žyćcio chapaje», — zapeŭnivaje). Ale ž na videa paru dzion tamu Ina pryznałasia, što apošnija jaje publikacyi vyklikali skarhi, i jaje vyklikała načalstva.
«Na žal, bolš vidosikaŭ cikavych-pryšpilnych z nahody pracy nie budzie. Mianie vyklikała kiraŭnictva, ja atrymała pračuchanki z-za šmatlikich skarhaŭ, jakija siońnia byli», — adznačyła jana.
Ale praciahvaje radavać padpisčykaŭ.
Na akaŭnt kiroŭcy Iny ŭ TikTok padpisana bolš jak 4,5 tysiačy karystalnikaŭ. Uvohule, paśla prahladu profilu składvajecca ŭražańnie, što Ina vielmi lubić svaju prafiesiju i tralejbus.
«Kubło takoje». Ź pierapisak Kabančuka robicca jasna, čamu Vieramiejčyka paličyli niebiaśpiekaj i zabaranili jamu ŭjezd va Ukrainu3
Kamientary
pavažajcie trud uborščyc. oj, to bok kiroŭščyc
u vas u russkich čto - druhich obraŝienij, kromie, kak "ej, ty", "baba", " ženščyna", nu i kak samoje łaskovoje "tietieńka" čto - nietu?