Bloomberg: Pra rasijski pravał u impartazamiaščeńni «abaronki» było viadoma jašče paŭtara hoda tamu
Jašče ŭ 2019 hodzie ŭłady RF pastavili mety ŭ impartazamiaščeńni zbroi: zamienu zachodnich kampanientaŭ va ŭsich sistemach — ad radaraŭ da sučasnych padłodak i sistem supraćrakietnaj abarony. Ale pravierka, praviedzienaja Hienprakuraturaj u krasaviku 2021 hoda, pakazała, što ni adna z pastaŭlenych metaŭ nie była dasiahnutaja. Infarmacyja pra rasijskija prablemy pratačyłasia na Zachad i była vykarystanaja pry padrychtoŭcy sankcyj suprać Rasii, paviedamlaje ahienctva Bloomberg.
Pravierka Hienprakuratury vyjaviła maštabnyja pravały ŭ realizacyi prahramy, raspaviali krynicy Bloomberg sa spasyłkaj na vynikovy dakład, dzie analizavaŭsia prahres pa 177 058 kampanientaŭ dla 278 typaŭ uzbrajeńniaŭ, techniki i abstalavańnia.
Pavodle płanu, u 2020 hodzie treba było zamianić 18 047 kampanientaŭ u 43 vidach techniki, ale zrabić heta ŭdałosia tolki z 3148 kampanientami ŭ piaci vidach. Naprykład, na kantrakty pa impartazamiaščeńni dla lohkaha šmatmetavaha viertalota Ka-226.80 było vydzielena bolš za 230 młn rubloŭ. Pa płanie, u 2020 hoda treba było z nula vyrabić anałahi 4148 roznych kampanientaŭ. Zafiksavany vynik — nul.
Ministerstvy nie kantralavali praces, i zamiežnyja kampanienty, uklučajučy chimikaty, elektroniku i śpiecyjalizavanyja materyjały, tajemna vykarystoŭvalisia ŭ inšych prajektach. Taksama źviartałasia ŭvaha na zatrymki z padpisańniem amal 100 damovaŭ na raspracoŭku ŭłasnych kampanientaŭ z rasiejskimi NDI z 2014 hoda.
Z ukrainskich kampanientaŭ u 2020 hodzie atrymałasia zamiaścić 212 dla čatyroch vidaŭ techniki zamiest zapłanavanych 260 u 12 vidach. Prytym pośpiechi byli vielmi abmiežavanymi: zamiaścić atrymałasia nievialikuju kolkaść radyjopryboraŭ i abstalavańnia dla łaziernaj raźviedki.
Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ3
Kamientary