Rychtujem aŭtamabil da zimy. Paraŭnali ceny na novyja šyny ŭ Biełarusi, Polščy i Litvie
Druhaja pałova vosieni — čas, kali aŭtamabilistam varta pačynać kłapacicca pra pierachod na zimovyja pakryški, kab pieršy śnieh i hałalodzica nie stali pryčynaj DTZ. Paraŭnali ceny na zimovyja šyny ŭ Biełarusi i susiednich krainach ES. A taksama zhadali praviły viartańnia padatku na dabaŭlenuju vartaść i ŭvozu šyn u Biełaruś.
Adny z samych tannych zimovych pakryšak pamieram 205/55 R16 — u ajčynnaj «Biełšyny». Cana ŭ biełaruskich internet-kramach składaje 150 rubloŭ, ci kala 60 dalaraŭ za štuku.
Pryblizna pa hetych ža cenach pradajuć pakryški rasijskich brendaŭ. Anałahičnyja šyny kitajskaj vytvorčaści kaštujuć u siarednim na 10-30 rubloŭ daražej.
U Litvie ceny na samyja tannyja zimovyja pakryški pamieram 205/55 R16 startujuć z adznaki ŭ 49 jeŭra. Pa takich cenach tam pradajuć Kitajskija GOODRIDE (nie błytać z amierykanskim Goodyear).
U pieravodzie na našyja hrošy atrymlivajem canu ŭ 120 rubloŭ za štuku. Kali skarystacca mahčymaśćciu viarnuć PDV, košt pakryški źnižajecca da 100 rubloŭ.
U Biełarusi takija šyny pradajuć pa 160 rubloŭ.
U Polščy takija samyja pakryški pradajuć pa 225 złotych za štuku. Heta kala 115 rubloŭ. Paśla viartańnia VAT (PDV) atrymajemajecca kala 95 rubloŭ za koła.
Kali pryhladacca da šyn viadomych suśvietnych brendaŭ, to roźnica ŭ cenach jašče bolšaja. Asabliva, kali skarystacca mahčymaściu viartać PDV.
Tak, naprykład, zimovyja Continental Winter Contact TS 870 u Biełarusi pradajuć pa cenach ad 335 rubloŭ za štuku, što składaje kala 135 dalaraŭ.
U Polščy ich pradajuć pa 515 złotych, abo kala 255 rubloŭ za štuku. U vypadku, kali ŭ vas atrymajecca viarnuć PDV, to pakryška z Polščy abydziecca pryblizna ŭ 210 rubloŭ.
Anałahičnyja šyny ŭ Litvie pradajuć za 110 jeŭra, što składaje kala 270 rubloŭ. Paśla viartańnia PDV atrymajem canu ŭ 220 rubloŭ za koła.
Zimovyja šyny Bridgestone Blizzak LM005 takoha sama pamieru ŭ Biełarusi pradajuć za 270 rubloŭ.
U Polščy hetyja pakryški možna nabyć pa 450 złotych, što kala 230 rubloŭ. U Litvie takija šyny kaštujuć 94 jeŭra, što taksama składaje kala 230 rubloŭ. Kali kuplać pakryški ŭ Polščy ci Litvie z mahčymaśćciu viarnuć PDV, to jany abyducca vam pryblizna ŭ 190 rubloŭ, suprać 270 u Biełarusi.
Šypavanyja pakryški MICHELIN X-ICE NORTH XIN2 u Biełarusi pradajuć pa 470 rubloŭ za koła. U Litvie ich možna nabyć pa 125 jeŭra, što kala 305 rubloŭ. Paśla zvarotu PDV, hetyja pakryški patańniejuć da 255 rubloŭ.
U Polščy hetyja pakryški kaštujuć pryblizna, jak i ŭ Litvie.
Jak viarnuć PDV pry kupli pakryšak u ES?
Pa-pieršaje — treba znajści pradaŭca, jaki hatovy pradavać tavary z mahčymaściu viartańnia PDV. Ale heta nie składana, asabliva, kali rabić pakupki ŭ nasielenych punktach Polščy i Litvy, jakija znachodziacca niedaloka ad miažy ź Biełaruśsiu.
Dalej treba vyznačycca, pa jakoj sistemie vy chočacie zabirać hrošy ŭ vyhladzie padatkaŭ. Kali vy nie źbirajeciesia ŭ chutkim časie znoŭ viartacca ŭ krainu, dzie kuplajecie tavar, to vam daviadziecca skarystacca sistemaj Global Blue. Naprykład, kali razhladać Litvu, to hrošy za PDV u takim vypadku možna zabrać adrazu ŭ punkcie propusku. Ale za takija zručnaści treba płacić. U takim vypadku vy atrymajecie nie ŭvieś PDV (21% u Litvie i 23% u Polščy), a tolki kala 11-12%. Astatnija hrošy za svaje pasłuhi zabiraje apieratar Global Blue.
Tamu, kab zabrać 100% PDV, daviadziecca paśla vyvazu tavaraŭ za miežy ES jechać da pradaŭca, jaki viernie vam hrošy, zakładzienyja ŭ PDV.
Jak pravilna vyvieźci šyny, kab viarnuć PDV?
Žadajučym nabyć pakryški ŭ Polščy ci Litvie treba viedać, što viartać PDV možna tolki ŭ tym vypadku, kali vy budziecie vyvozić šyny jak tavar. Kali vy pastavicie ich na aŭtamabil, to mahčymaści viarnuć PDV nie budzie.
Jakija limity isnujuć na ŭvoz šyn u Biełaruś?
Dla asabistaha karystańnia možna pryvozić nie bolš za čatyry novyja letnija abo zimovyja šyny raz na dva hady. Uvoz b\u pakryšak biez dyskaŭ u Biełaruś zabaronieny.
Važna! Pryvozić šyny, koły abo dyski z-za miažy maje prava tolki ŭłaśnik transpartnaha srodku. Taksama treba nie zabyvać, što ahulnaja vaha pakryšak musić nie pieravyšać 31 kh, a ich košt — 1000 jeŭra.
Nahadajem, što ŭ pieryjad z 1 śniežnia pa 1 sakavika ŭ Biełarusi aŭtamabili pavinny być abstalavany zimovymi šynami. Za parušeńnie hetych pravił praduhledžana administracyjnaja adkaznaść.
Čytajcie taksama: Kiraŭnik Akademii navuk raspavioŭ, kolki budzie kaštavać pieršy biełaruski elektramabil
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im1
Kamientary