Elektronnyja tabło z raskładam ruchu haradskoha transpartu ŭ Viciebsku adklučyli z-za zapazyčanaści pa apłacie elektraenierhii, ich pavinny demantavać, paviedamlajuć «Narodnyja naviny Viciebska».
Paru tydniaŭ tamu hetyja elektronnyja tabło pierastali pracavać i adlustroŭvać infarmacyju pra bližejšyja rejsy hramadskaha transpartu. Haradžanie padali zajaŭku ab hetym niedachopie na partał 115.bieł.
Z adkazu adździeła ŽKH Viciebskaha harvykankama na hetuju zajaŭku stała viadoma, što tabło byli adklučanyja z-za niesvoječasovaj apłaty elektraenierhii i zapazyčanaści. Bolš taho, jany padlahajuć demantažu.
Takija tabło stali źjaŭlacca na prypynkach hramadskaha transpartu ŭ abłasnym centry ŭ 2019 hodzie. Na Pryvakzalnaj płoščy, naprykład, tabło pastavili ŭ kancy listapada hetaha hoda.
Elektronny raskład transpartu na niekatorych prypynkach Viciebska źjaviŭsia pa inicyjatyvie Viciebskaha abłasnoha kamunalnaha transpartnaha ŭnitarnaha pradpryjemstva «Apieratar pieravozak», zabiaśpiečyła ekspart danych ab ruchu hramadskaha transpartu. A voś vyrablać i ekspłuatavać tabło pavinna było niejkaje TAA «Xas słavy», zarehistravanaje ŭ Barysavie.
Da 2020 hoda heta rekłamnaje ahienctva paśpieła pastavić bolš za 30 ekranaŭ pa ŭsioj Biełarusi — 2/3 płoščy tabło vykarystoŭvałasia pad rekłamu, a na nižniaj tracinie tranślavaŭsia raskład.
Hod tamu, padobna, firma stała adčuvać finansavyja ciažkaści, bo ź jaje stali spahaniać zapazyčanaści šlacham prymusovaha vykanańnia.
Što zapisana aficyjnaj pryčynaj śmierci adzinaha syna Jarmošynaj?9
Kamientary