U palaŭničyja haspadarki Homielskaj vobłaści zasielać 50 łaniaŭ
U siaredzinie kastryčnika ŭ valjer Kalinkavickaha adździeła Biełaruskaha tavarystva palaŭničych i rybałovaŭ zavieźli 50 dzikich łaniaŭ dla ŭtrymańnia i dalejšaha raśsialeńnia ŭ palaŭničyja haspadarki, paviedamlaje BiełTA.
Paśla zakupki partyi žyvioł na pieršym etapie ich zavoziać u zahadzia stvorany ŭ palaŭničaj haspadarcy valjer dla ich časovaj pieratrymki. Pieratrymka zajmaje, jak praviła, kala paŭhoda — da zakančeńnia cialeńnia samak i kali maładniak trochi padužeje, heta značyć prykładna da siaredziny leta.
Uvieś hety čas rabotniki palaŭničaj haspadarki kormiać i dahladajuć žyvioł, pravodziać prafiłaktyčnuju apracoŭku suprać roznych parazitaŭ. «Kali žyvioł vypuściać z valjera, miesca vakoł jaho stanie dla maładniaka sapraŭdnaj radzimaj. Miesca vypusku amal zaŭsiody źjaŭlajecca jadrom ich mikrapulacyi ŭ palaŭničaj haspadarcy», — raspaviali ŭ BTPR.
Arhanizacyjnyja struktury BTPR robiać zakupku i zasialeńnie vysakarodnych aleniaŭ, a apošnim časam i łaniaŭ, u arandavanyja palaŭničyja ŭhodździ z 2014 hoda.
Da 2021 hoda ŭ palaŭničyja ŭhodździ bolš za 50 palaŭničych haspadarak tavarystva va ŭsioj krainie zasielena amal 3 tys. asobin vysakarodnaha alenia i bolš za 50 łaniaŭ.
Vylecieła ŭ nieviadomym kirunku śpikierka KR Anžalika Mielnikava30
Kamientary