Jak paviedamlaje pres-słužba Kamiteta dziaržaŭnaha kantrolu, adzin z pryvatnych miedycynskich centraŭ Bresta sfarmavaŭ taryfy na amal dva dziasiatki pasłuh «biez vykarystańnia ŭstanoŭlenych panižalnych kaeficyjentaŭ, u suviazi z čym jany pieravyšali maksimalna mahčymyja da 110 rubloŭ za adzin kompleks».
«Da prykładu, košt pasłuhi «Kompleksnaja prahrama abśledavańnia «Uvieś pazvanočnik» biez kantrastnaha ŭzmacnieńnia» była nieabhruntavana zavyšanaja na 44,5%», — havorycca ŭ paviedamleńni.
Pa zavyšanych cenach miedcentr nibyta akazaŭ nasielnictvu paradku 2 tysiač pasłuh, u vyniku čaho nieabhruntavana atrymaŭ vyručku ŭ 45 tysiač rubloŭ. Hetaja suma — roźnica pamiž vykarystanym i raźličanym u adpaviednaści z zakanadaŭstvam taryfam — padlahaje spahnańniu ŭ biudžet u dvuchrazovym pamiery, adznačyli ŭ KDK.
Padčas pravierki taryfy na astatnija płatnyja miedpasłuhi pierahledžanyja — ich źmienšyli da 30%. Miedcentr taksama pierastaŭ akazvać asobnyja pasłuhi ŭ składzie kompleksaŭ.
Što zapisana aficyjnaj pryčynaj śmierci adzinaha syna Jarmošynaj?9
Kamientary