U EHU prachodzić navukovaja kanfierencyja «Vialikaje Kniastva Litoŭskaje: sučasnyja biełaruskija daśledavańni»
U EHU praviaduć navukovuju kanfierencyju «Vialikaje Kniastva Litoŭskaje: sučasnyja biełaruskija daśledavańni».
Pracoŭnaja prahrama kanfierencyi ŭklučaje vosiem tematyčnych panelaŭ, pryśviečanych roznym aśpiektam historyi Vialikaha Kniastva Litoŭskaha: stanaŭleńniu piśmovaj kultury i knihadrukavańniu, stanovišču relihijnych supolnaściej i etnamoŭnaj situacyi, sacyjalnaj struktury i palitycy pravavoj sistemy, źniešniaj palitycy i baraćbie za suvierenitet.
Naprykancy pieršaha dnia kanfierencyi adbudziecca prezientacyja filma «Sad Skaryny», stvoranaha vykładčykami EHU Alaksandram Matafonavym i Siarhiejem Chareŭskim da 500-hodździa vydańnia ŭ Vilni pieršaj drukavanaj knihi na terytoryi ŭsiaho Vialikaha Kniastva Litoŭskaha biełaruskim humanistam-aśvietnikam Francyskam Skarynam.
Pracoŭnuju prahramu druhoha dnia kanfierencyi adkryje dyskusija «Dziaržaŭnaść i nacyjanalnaje budaŭnictva va Uschodniaj Jeŭropie rańniaha Novaha času ŭ pierśpiektyvie XXI stahodździa». U dyskusii, maderavanaj praf. d-r Janam Kuźbieram (Majncki ŭniviersitet Johana Hutenbierha, Hiermanija), prymuć udzieł:
• prafiesar, d-r Hienadź Sahanovič, Instytut pierśpiektyŭnych daśledavańniaŭ, Bierlin;
• prafiesar Macias Nindorf, Histaryčny instytut Hrajfsvaldskaha ŭniviersiteta;
• prafiesar, d-r Alvidas Nikžantajcis, Instytut historyi Litvy;
• prafiesar, d-r Chans-Jurhien Biomielburh, univiersitet Justasa Libiha, Hisen;
• kand. hist. navuk Andrej Daronin, Hiermanski histaryčny instytut u Maskvie, Bonski ŭniviersitet.
Pracoŭnyja movy kanfierencyi — ruskaja i polskaja.
Kanfierencyja prachodzić pa adrasie: Vilnius, Savičiaus, g. 17, Jeŭrapiejski humanitarny ŭniviersitet, aud. 110.
3 listapada: 10:00 — pryvitańni; 12:00 — tematyčnyja paneli; 18:00 — prezientacyja filma «Sad Skaryny»;
4 listapada: 10:00 — dyskusija; 13:00 — tematyčnyja paneli; 18:00 — padsumavańnie.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1212
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata12
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary