U siabra vialikija prablemy. Piša ŭ svaim błohu na NN Alaksandr Kłaskoŭski.
U italjanskaha siabra Łukašenki vialikija prablemy. Kanstytucyjny sud pazbaviŭ Bierłuskoni niedatykalnaści.
Pavodle prahnozu «Jeŭrańjus», ciapier toj najchutčej što budzie vymušany padać u adstaŭku, i ŭ krainie projduć daterminovyja vybary.
Takim čynam, prylot Bierłuskoni ŭ Minsk pad pytańniem. Nahadaju: ab chutkim vizicie šefa ŭ Biełaruś padčas niadaŭniaha naviedvańnia našaj krainy zajaviŭ kiraŭnik italjanskaj dypłamatyi Fracini.
Praŭda, sam Bierłuskoni chrabrycca i zajaŭlaje, što z pasady nie sydzie. Ale, tak ci inačaj, jamu, mahčyma, budzie nie da vajažaŭ u «apošniuju dyktaturu Jeŭropy». Bo zaraz ekstravahantnaha premjera, jaki nałamaŭ niamała roznaha kštałtu droŭ, mohuć zasypać sudovymi razborami, što dahetul byli zamarožanyja praź jahony imunitet.
Svaimi dziejańniami i avanturami Bierłuskoni jaskrava ilustruje, što palityki — takija ž hrešnyja ludzi, jak i prostyja śmiarotnyja. Vyniesiem za dužki «dziaŭčynak». Jamu zakidajuć aŭtarytarnyja zamaški, cisk na presu. Prypirajuć abvinavačańniami ŭ sprobie podkupu sienataraŭ, davańni chabaru, parušeńni padatkovaha zakanadaŭstva.
Vo, blin, što značyć hniłaja demakratyja! Nijakaj pavahi da pieršaj asoby. Dziaŭbuć i ŭ chvost i ŭ hryvu.
Mahčyma, biełaruskaja palityčnaja sistema była b dla Bierłuskoni viaršyniaj žadańniaŭ. Cyknuŭ — i ŭsie jak myšy pad miatłoj.
Ci vypadkova jany z Łukašenkam adrazu parazumielisia, kali toj lotaŭ viasnoju ŭ Rym?
Ale ž Bierłuskoni kiruje (pakul što) u Italii. I choć demakratyja tam daloka nie idealnaja (idealnaj nidzie niama i nie budzie), miechanizm strymak i supraćvahaŭ, dziakuj bohu, spracoŭvaje. I Kanstytucyjny sud tam, jak bačym — nie prydatak administracyi (jon zaraz pryznaŭ nie adpaviednym kanstytucyi zakon ab niedatykalnaści premjera, jaki Bierłuskoni ŭ svoj čas i praciahnuŭ). I ŭ niezaležnaj presy staje mocy, kab vałtuzić pieršuju asobu krainy (plus miedyjamahnata) tak, što tolki pierje lacić.
Narešcie, nazirajuć i struktury Jeŭraźviazu. Tak, Jeŭraparłamient majecca razhledzieć pytańnie ab najezdach Bierłuskoni na presu.
Karaciej, da Minska ŭ ranhu premjera Bierłuskoni moža tak i nie dalacieć. Nu a turystam tut jon, musić, nie nadta patrebny.
Ech, taki pijar zryvajecca ŭ tutejšych trubaduraŭ! Padvioŭ ty, bracie Silvio!
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Kamientary