Zatrymańniaŭ iznoŭ stolki, što Akreścina pierapoŭnienaje. Stała viadoma, pa jakoj prykmiecie aŭtamatam zavodziać kryminalnuju spravu
«Naša Niva» atrymała dziasiatki sihnałaŭ, što apošnija dni karnyja orhany pravodziać masavyja abłavy. «Tyja, chto prachodzić praz HUBAZiK, usie sinija», — skazali nam niekalki śviedkaŭ. Pavodle jakoha pryncypu vybirajuć abjekty zatrymańniaŭ hetym razam — da kanca nie zrazumieła. Adna z asnoŭnych prykmiet — zatrymanyja ŭžo prachodzili praz sutki z 2020 hoda.
Svajaki viaźniaŭ infarmujuć «Našu Nivu», što Akreścina pierapoŭnienaje. «Łavina zatrymańniaŭ. Miescaŭ na Akreścina niama. Detali zrazumieć składana», — paćvierdziŭ hetu infarmacyju adzin z advakataŭ.
Ludziej trymajuć u kamierach, dzie viaźniaŭ u 2-6 razoŭ bolš za kolkaść naraŭ.
Zatrymanych pa-raniejšamu katujuć niaścierpnymi ŭmovami ŭtrymańnia, adsutnaściu bazavych hihijeničnych i bytavych rečaŭ, a taksama miedycynskaj dapamohi.
Ciesnata i ŭmovy vyklikajuć imhnienny raspaŭsiud reśpiratornych chvarob.
«Kaho pryvoziać z HUBAZiKa, tyja ŭsie sinija», — dadajuć inšyja surazmoŭcy.
«Našaj Nivie» viadomyja nazvy troch kampanij, supracoŭniki jakich amal u poŭnym składzie trapili na Akreścina.
Pa jakim pryncypie vybirajuć abjekty zatrymańniaŭ hetym razam — da kanca nie zrazumieła. Adna z asnoŭnych prykmiet — zatrymanyja ŭžo prachodzili praz sutki z 2020 hoda.
Bolšaść zatrymanych prachodzić pa bazie «BIESparadki» jak ludzi, jakija ŭžo pryciahvalisia da administratyŭnaj adkaznaści pa art. 23.34 u 2020—2021 hadach.
Pavodle našaj infarmacyi, mnohija atrymlivajuć «kruhavyja sutki» — kali čałavieka katujuć šmatrazovymi prysudami pa 15 sutak.
Kali ŭ zatrymanych znachodziać fota z pratestaŭ, dzie jany stajać na darozie, adrazu zavodziać kryminalnuju spravu.
Važna, kab miechanizmy masavych represij i imiony kataŭ dakumientavalisia. Znachodźcie, kali łaska, mahčymaść pieradavać hetuju infarmacyju ŭ ŚMI ci pravaabaroncam.
Nahadajem, što dasyłać možna nam u telehram-bot abo na Nivanasha@gmail.com. A najlepš — tym redaktaram i žurnalistam «Našaj Nivy», jakich vy asabista viedajecie. Možna heta rabić nie naŭprost, a praz vašych rodnych ci siabroŭ, jakija žyvuć za miažoj.
«Naša Niva» — bastyjon biełaruščyny
PADTRYMAĆČytajcie taksama:
«Chłopcaŭ maładych škada, bo ich vielmi mocna źbivajuć u HUBAZiKu». Movaznaŭca Haranin napisaŭ pra svaje sutki na Akreścina
Stała viadoma, jakim kodavym słovam łukašysty nazyvajuć palityčnych
Jak vyhladajuć žoŭtyja birki, jakija viešajuć palityčnym u kałonijach
Ciapier čytajuć
«Da akcyi dałučylisia tolki marhinały». Što pisaŭ u čatach paśla svajho vykryćcia kadebešnik, adkazny za biełaruskuju emihracyju1
Kamientary
Znoŭ ža, vobšuki, dopyty, afarmleńnie - zaniatak pracajomki, a hiestapaŭcaŭ pa-raniejšamu niebahata...
Tym nie mienš, vykonvać racyjanalnyja miery biaśpieki biezumoŭna varta. Dyk nie hrebujma!