Hety čempijanat śvietu moža stać apošnim dla zbornaj Uelsa pad takoj nazvaj. Chočuć viarnuć histaryčnaje imia
Apošnim bujnym turniram ČS-2022 u historyi Uelsa moža stać nie tolki dla Hareta Biejła, ale i dla samoj nazvy kamandy. Bo z nastupnaha hoda jana płanuje vykarystoŭvać užo ŭłasnuju samanazvu — Cymru (čytajecca prykładna jak Kemry), piša Tribuna.com.
Uziali prykład z Turcyi, užo abmiarkoŭvajuć pytańni va UEFA, praces uznačaliŭ irłandziec
Vykanaŭčy dyrektar Futbolnaj asacyjacyi Uelsa Noeł Muni patłumačyŭ imknieńnie pierajmienavacca ŭ histaryčnuju samanazvu Kemry dastatkova adnaznačna: «Kamanda pavinna zaŭsiody nazyvacca Kemry, tak my jaje zaviom tut. Naš pohlad ciapier — što doma my vyrazna zaviomsia Kemry. Tak my nazyvajem našy zbornyja. Kali vy zojdziecie na naš sajt, jak my havorym pra siabie, to my vielmi navat Kemry».
I sapraŭdy, navat u sacsietkach (tym ža tvitary) nikniejm aficyjnych akaŭntaŭ hučyć jak @Cymru.
Asacyjacyja ŭžo viadzie pierahavory jak z adpaviednymi subjektami, tak i z UEFA pa hetaj temie. Pakul kančatkovaha pahadnieńnia niama, tamu na ČS-2022 Uels jašče budzie Uelsam. Ale ŭ 2023-im płanujuć zapuścić praces. Adznačajuć, što heta nie budzie adnaasobnaje rašeńnie asacyjacyi — da abmierkavańniaŭ pryciahnuć i hulcoŭ, i trenierski štab, i zaŭziataraŭ, i ŭsie kampietentnyja ŭradavyja orhany.
Muni nie chavaje, što kraina natchniłasia prykładam Turcyi, razam ź jakoj buduć hulać u adbory na ČIE-2024. Aficyjnaja Ankara dabiłasia vykarystańnia na mižnarodnym uzroŭni tureckaha Türkiye zamiest bolš zvykłaha anhlijskaha Turkey. Tady ž pytańnie było ŭźniata i ŭ valijskich ŚMI, i hramadstvie ŭ cełym.
«My spytali ŭ ich, u jakim napramku jany ruchajucca. Naprykład, ci źjaviłasia ŭ ich imknieńnie da vykarystańnia ludźmi rodnaj movy? Toje, što ja viedaju, ciapier va Uelsie nazirajecca adradžeńnie valijskaj movy i adčuvańnie vialikaha honaru tym, što my robim u płanie kultury i spadčyny», — tłumačyć Muni.
Samaje cikavaje, što Muni, pierš čym uznačalić asacyjacyju Uelsa, pracavaŭ kiraŭnikom stratehičnaha raźvićcia va UEFA, i sam pa nacyjanalnaści irłandziec. Ale ŭžo vučyć valijskuju movu i płanuje ŭ nastupnym hodzie pravieści Q&A siesiju mienavita na joj.
Što heta źmienić dla krainy, akramia samoj nazvy? Jana padnimiecca ŭ ałfavitnym pakazalniku krain UEFA, žartuje Muni: «My zaŭsiody siadzim pobač z ukraincami, i heta vydatna, bo my ŭžo stali dobrymi siabrami. Ale nam by ŭsio ž krychu bolš chaciełasia siadzieć pobač z charvatami i čechami (Croatia i Czech Republic pa-anhlijsku)».
Ciapier čytajuć
Łukašenka: U 2020 hodzie kala Pałaca Niezaležnaści nie pakistancy biehali20
Kamientary