Recept na vychadnyja. Bułački z karycaj — duchmianaja vypiečka 

Kab zhatavać bułački z karycaj, vam spatrebicca:

• 175 hramaŭ masła
• 200 mililitraŭ małaka
• 1 čajnaja łyžka soli
• 250 hramaŭ muki hrubaha pamołu ci celnaziernievaj + jašče trochi dla pasypańnia
• 250 hramaŭ mocnaj biełaj muki (z pavyšanaj kolkaściu klejkaviny — 12—13%)
• paŭtary čajnyja łyžki chutkadziejnych draždžej
• 1 čajnaja łyžka mołataha kardamonu (kali chočacie)
• 4 stałovyja łyžki cukru + 100 hramaŭ cukru dla pasypańnia
• 3 jajki
• aliŭkavy alej dla zmazvańnia
• 2 stałovyja łyžki karycy

Vy možacie zamianić abodva vidy muki zvyčajnaj pšaničnaj mukoj.

1. U maleńkaj kastruli nahravajcie 100 hramaŭ masła, małako i sol, pakul masła nie rastanie. Trochi astudzicie sumieś, pakul jana nie stanie ciopłaj.
2. U vialikaj miscy źmiašajcie da adnarodnaści muku, droždžy, kardamon i 4 stałovyja łyžki cukru. Zrabicie ŭ centry sumiesi pahłybleńnie i raźbicie tudy 2 jajki. Ulicie ciopłuju małočnuju sumieś i pieramiašajcie ŭsio, kab atrymałasia lipkaje ciesta.
3. Zmažcie pracoŭnuju pavierchniu čajnaj łyžkaj aliŭkavaha aleju. Vykładzicie ciesta na zmazanuju pavierchniu i enierhična vymiešvajcie na praciahu 5—8 chvilin (mahčyma, vam moža spatrebicca płastykavy skrabok, kab adździalić ciesta ad pracoŭnaj pavierchni). Nie dadavajcie muki, bo heta zrobić bułački bolš suchimi i ćviordymi. Praciahvajcie miasić, pakul ciesta nie stanie mienš lipkim i bolš hładkim i ełastyčnym, potym sfarmujcie ź ciesta šar i pakładzicie jaho ŭ vialikuju i zmazanuju alejem misku. Nakryjcie misku čystym kuchonnym ručnikom i pastaŭcie jaje ŭ ciopłaje miesca na hadzinu abo pakul abjom ciesta nie pavialičycca ŭdvaja.
4. Tym časam zhatujcie načynku dla bułačak. Raźmiakčycie 75 hramaŭ masła, źmiašajcie jaho ŭ miscy z 50 hramami cukru i 1 stałovaj łyžkaj karycy. Pieramiešvajcie masła, cukar i karycu z dapamohaj videlca, pakul u vas nie atrymajecca adnarodnaja masa. Źmiašajcie 50 hramaŭ cukru i 1 stałovuju łyžku karycy, što ŭ vas zastalisia, u inšaj miscy i adstaŭcie ŭbok.
5. Kali ciesta padnimiecca, vykładzicie jaho na pasypanuju mukoj pracoŭnuju pavierchniu i akuratna raskačajcie ŭ pramavuholnik pamieram 36 na 24 santymietry. Raŭnamierna raźmiarkujcie pa cieście sumieś masła, karycy i cukru.
6. Zharnicie ciesta ŭ rulet (pačynajcie ad bližejšaha da vas doŭhaha kraju). Narežcie hety rulet na 12 roŭnych kavałkaŭ.
7. Pakładzicie kožny kavałak na raskrytuju papiarovuju formu dla kieksaŭ abo ŭ zmazanuju alejem mietaličnuju formu dla kieksaŭ (apošni varyjant zrobić vašy bułački bolš vysokimi i vypukłymi). Nakryjcie čystym kuchonnym ručnikom i adstaŭcie ŭbok na 30—45 chvilin, ci pakul bułački nie padnimucca.
8. Razahrejcie duchoŭku da 200 hradusaŭ.
9. Zmažcie vierch bułačak uźbitym jajkam i ščodra pasypcie cukram z karycaj. Vypiakajcie 12 chvilin, pakul bułački nie stanuć ciomna-załacistymi i krychu karyčnievymi. Bułački asabliva smačnyja, kali ciopłyja.

Čytajcie taksama:

Recept na vychadnyja: šakaładna-bananavyja francuzskija tosty

Dadajcie hetuju śpiecyju ŭ kavu — i vy zaŭsiody budziecie tak rabić

Bułački pa-ŭschodniamu: bao, pryhatavanyja ŭ paravarcy

• 7
• 0
• 0
• 2
• 0
• 0
• 2
• 0