Z sakavika hetaha hoda prachodzić ramont puciepravodaŭ na praśpiekcie Žukava nad čyhunačnymi puciami ŭ rajonie stancyi Minsk-Sartavalny i na skryžavańni z vuł.Čyhunačnaj. U kancy kastryčnika adkryli ruch pa vuł. Čyhunačnaj. A zaŭtra, u subotu 19 listapada, abiacajuć zapuścić trafik pa samim puciepravodzie, piša Onliner.by.
Ramont viali na pałovach mosta pa čarzie. Ruch byŭ arhanizavany pa dźviuch pałosach u kožnym napramku. Raniej aŭtamabilistam davodziłasia ruchacca ŭ abjezd. Paśla adkryćcia ruchu zatory pavinny stać mienšymi. Puciepravod u vyniku rabot umacavali: zamiest raniejšych troch pralotaŭ pastavili čatyry. Akramia taho, pavialičyli šyryniu mosta, kab sfarmavać pa čatyry pałasy ŭ kožnym kirunku.
Siońnia ŭ Minskaj DAI abviaścili ab chutkim zaviaršeńni asnoŭnych vidaŭ rabot pa rekanstrukcyi na praśpiekcie Žukava. Paviedamlajecca, što ŭžo zaŭtra ŭ 8:00 budzie adkryty ruch pa abodvuch bakach praśpiekta. Akramia taho, zaŭtra ž adkryjuć padziemny piešachodny pierachod na skryžavańni vulic Bryleŭskaj i Aeradromnaj. Takim čynam, adnoviać ruch pa troch pałosach u kožnym kirunku vuł. Aeradromnaj.
Zhodna z pašpartam abjekta, budaŭnictva całkam skončycca tolki ŭ mai nastupnaha hoda. Jak možna mierkavać, finalny etap budzie tyčycca dobraŭparadkavańnia i nie pavinien vyklikać pierakryćciaŭ prajeznaj častki.
Rasiejskaja armija rychtuje novy ŭdar pa ŭkrainskaj abaronie — navat bolš mahutny, čym šturm Aŭdziejeŭki6
Kamientary