Stała viadoma miesca mahčymaha zachoŭvańnia jadziernych adkidaŭ ź BiełAES
Jadziernyja adkidy ź Biełaruskaj atamnaj stancyi i inšych abjektaŭ, mahčyma, buduć zachoŭvać na terytoryi Paleskaha radyjacyjnaha zapaviednika, zajaviŭ načalnik upraŭleńnia pa abychodžańni z radyjeaktyŭnymi adchodami MNS Biełarusi Dźmitryj Paŭłaŭ, piša Sputnik.
«Hipatetyčna my bačym hety rehijon jak patencyjny dla raźmiaščeńnia, moža być, navat adzinaha punkta zachavańnia radyjeaktyŭnych adkidaŭ. Ale kali dazvolać umovy», — skazaŭ jon, vystupajučy na tematyčnym kruhłym stale na forumie «Atamekspa» ŭ Sočy.
Pa jaho słovach, padčas čarnobylskaj katastrofy terytoryja zapaviednika padvierhłasia zabrudžvańniu stroncyjem i cezijem, a taksama vypadzieńniem jadziernaha paliva. U bližejšy čas hetyja ziemli nieabchodna jašče abśledavać.
Paŭłaŭ padkreśliŭ, što Paleski zapaviednik razhladajecca jak miesca dla «nieradyjacyjnych» prajektaŭ. Adzin z takich — mahčymaść vytvorčaści kantejnieraŭ dla punktaŭ zachavańnia radyjeaktyŭnych adchodaŭ.
Miarkujecca, što ŭ adzinym punkcie zachavańnia budzie zachoŭvacca 95% adkidaŭ ź BiełAES, astatnija — ź inšych abjektaŭ.
Adzin z takich — śpiecpradpryjemstva «Ekares», jakoje znachodzicca niedaloka ad Minska. U 60-70-yja tam utvarylisia mohilniki radonavaha typu. Ciapier tam dva schoviščy z adkidami. Pa słovach śpiecyjalistaŭ, jany nie ŭjaŭlajuć pahrozy dla žyćcia i zdaroŭja čałavieka, ale rašeńnie pa ich prymać nieabchodna.
Jašče adzin abjekt, dzie zachoŭvajucca radyjeaktyŭnyja adkidy, znachodzicca na terytoryi Homielskaj vobłaści pad Rečycaj i nazyvajecca «Homiel-30». U savieckija časy heta była Centralnaja baza zachoŭvańnia jadziernych bojehałovak vojskaŭ SSSR.
Łukašenka pryznaŭ, što maje patrebu ŭ adpačynku i što vialikaja kolkaść ludziej jaho praklinaje57
Kamientary