Siudy možna prychodzić u kiedach, a možna — basanož. Možna prychodzić z marozivam, a možna i bieź jaho. Tut možna z razumnym tvaram razvažać pra sučasnaje mastactva, a možna krucić palcam kala skroni.
Siudy možna prychodzić u kiedach, a možna — basanož. Možna prychodzić z marozivam, a možna i bieź jaho. Tut možna z razumnym tvaram razvažać pra sučasnaje mastactva, a možna krucić palcam kala skroni. Halereja sučasnaha mastactva «Ŭ» adčyniena!
«Kali ja byŭ maleńkim u hetym budynku byŭ pryjom škłatary «Dyjanisij». Zdarałasia, što i ja siudy prychodziŭ plaški zdać. A siońnia ja budu tut vieršy čytać», — ryfmuje Viktar Žybul.
Halereja sučasnaha mastactva adčyniłasia ŭviečary 7 kastryčnika. Zazyvały hukali: «Chočacie prychodźcie, chočacie nie prychodźcie. Možacie z razumnym tvaram razhladać tvory, a možacie chucieńka pajści ŭ bar».
Achvotnych da sučasnaha mastactva chapała:
i ŭ bary, i kala tvoraŭ‑instalacyj Siarhieja Kiruščanki. Kožnaja zała halerei była bitkom nabita ludźmi.
U svaim vitalnym słovie dyrektar halerei Kaciaryna Šaternik raskazała pra ŭnikalnaść hetaha miesca:
«My chočam, kab kožny tut zmoh adkryć dla siabie niešta cikavaje, kab vam tut było ciopła i ŭtulna. Akramia halerei i vystaŭnaj zali, u chutkim časie, adkryjem tut kaviarniu i kniharniu. Chočam, kab hetaje miesca było placoŭkaj dla praviadzieńnia kulturnych mierapryjemstvaŭ. Dla taho, kab ludzi adkryvali siabie, viali tut dyskusii, kab jany sustrakalisia i rychtavali cikavyja prajekty. Kab ludziam tvorčym i dumajučym nikoli i ničoha tut nie zabaraniałasia i nie było nijakich tabu».
Tabu na adkryćci halerei zaŭvažana nie było. Byli čytańni Pasternaka basanož na pa‑vosieński chałodnym asfalcie, byli tancy aholenaj dziaŭčyny z prykrytym šalikam tvaram, byli i śpievy Siarhieja Puksta, padčas jakich niekatoryja zakryvali vušy, a niekatoryja ščaśliva plaskali ŭ dałoni. I pakul u adnoj zali hučali barabany i akardeon, pad ŭmiełymi rukami muzykaŭ z hurta «Hurzuf». U druhoj zali biełaruskija litaratary čytali vieršy: pra maty, Radzimu, kachańnie i cyrkuli.
Naviedać halereju sučasnaha mastactva «Ŭ» možna ŭ luby dzień z 10.00 da 22.00.
Z 8 kastryčnika tut prachodzić piersanalnaja vystava Siarhieja Kiruščanki «EARTH ART» («Nadyjšoŭ čas ščylna zaniacca pryziemlenym mastactvam. 12 kastryčnika možna patrapić na prezientacyju knihi Alaksandra Sapiehi. 27 kastryčnika ŭ halerei adbudziecca majstar‑kłas aŭstralijskaha muzykanta, miedya‑artysta Bena Frosta.
Kali niama prahi da sučasnaha mastactva, ale budziecie prachodzić pobač, zajdzicie chacia b prosta ŭ prybiralniu, u jakoj možna malavać na ścienach. Adras halerei — praśpiekt Niezaležnaści 37a, u dvorykach za kramaj «Tom Tejłar».
Kamientary