U minuły ŭik-end prajšoŭ Ch tradycyjny turnir «Kubak Svabody», prymierkavany da Dnia Niezaležnaści. Apošnija siem hadoŭ jon nosić imia Hienadzia Karpienki, čałavieka, jaki ščyra lubiŭ futboł. Jon źjaŭlaŭsia kapitanam kamandy Viarchoŭnaha Savietu, a klub z Maładečna nie pialochaŭsia ŭ bahnie druhoj lihi, a zmahaŭsia za medali ŭ vyšejšaj.
U minuły ŭik-end prajšoŭ Ch tradycyjny turnir «Kubak Svabody», prymierkavany da Dnia Niezaležnaści. Apošnija siem hadoŭ jon nosić imia Hienadzia Karpienki, čałavieka, jaki ščyra lubiŭ futboł. Jon źjaŭlaŭsia kapitanam kamandy Viarchoŭnaha Savietu, a klub z Maładečna nie pialochaŭsia ŭ bahnie druhoj lihi, a zmahaŭsia za medali ŭ vyšejšaj.
Hetym razam «Kubak Svabody» razyhryvali piać kamandaŭ – partyj BNF, AHP, PKB, BSDP (H), a taksama zbornaja žurnalistaŭ. Hulni prachodzili na stadyjonie «Vympeł» u parku Čaluskincaŭ.
Favarytam turniru ličyłasia kamanda žurnalistaŭ, jakaja vyjhravała turnir apošnija try hady, ale j «partyjcy» nie chacieli addavać palmu pieršynstva.
Varta było bačyć, ź jakim impetam i žadańniem vychodzili palityki na kožnuju hulniu, jak jany zmahalisia za kožny miač, za kožny milimetar placoŭki. Navat padumałasia – taki b spryt im na ŭžo blizkich miascovych vybarach. Tady b supierniki navat nia mieli nijakich šancaŭ na pieramohu.
Abaronca Anatol Labiedźka, nie škadujučy noh svaich, słaŭsia ŭ padkatach, hałkiper Alaksandar Starykievič vyciahvaŭ niejmaviernyja miačy, a Siarhiej Kalakin choć i nie hulaŭ, ale ščyra chvareŭ za pryhožy futboł. Usie ŭdzielniki turniru padkreślivali jaho niepalityčnaść, choć na płocie pobač i krasavalisia ściahi partyj.
Kubak Svabody – heta prosta dobraja mahčymaść sabracca razam i pakantaktavać u niefarmalnaj abstanoŭcy, biaz sprečak pa palityčnych pytańniach.
A pieramoh macniejšy. Žurnalisty i sioleta nie pakinuli supiernikam šancaŭ. Praŭda, kamunisty, jakija zrabili ź pieramožcami ničyju, abiacajuć naleta ŭziać revanš.
Kamientary