Hienštab USU: Rasijanie pačali advod vojskaŭ z Zaparožskaj vobłaści
«Pavodle najaŭnaj infarmacyi, rasijskija akupacyjnyja vojski advodziać asobnyja padraździaleńni i rychtujuć da evakuacyi piersanał akupacyjnych administracyj nasielenych punktaŭ časova zaniataj terytoryi Zaparožskaj vobłaści», — havorycca ŭ čarhovaj apieratyŭnaj zvodcy ŭkrainskaha Hienštaba.
Hienštab paviedamlaje pra nastupnyja prykmiety evakuacyi i advodu vojskaŭ RF.
Z nasielenaha punkta Michajłaŭka vyjechali padraździaleńni Rasii, jakija bazavalisia ŭ miascovym adździaleńni palicyi i adnoj z navučalnych ustanoŭ.
U nasielenych punktach Pałohi i Inžyniernaje rasijanie vyjazdžajuć z damoŭ, dzie jany byli raskvataravanyja, vyvoziać vykradzienuju majomaść.
U nasielenym punkcie Burčak akupacyjnyja ŭłady pravodziać pierapis dla tak zvanaj «dobraachvotnaj evakuacyi nasielnictva».
Hienštab taksama paviedamlaje pra ŭdałyja dziejańni ŭkrainskich vojskaŭ na Zaparožskim kirunku, u pryvatnaści, — pra abstreł miescaŭ kancentracyi žyvoj siły rasijan u nasielenych punktach Mirnaje, Takmak, Inžyniernaje, Pałohi, Jasnaje i Konskija Razdory.
Straty praciŭnika, śćviardžaje Hienštab, skłali bolš za 230 čałaviek paranienymi, źniščana bolš za 15 adzinak vajskovaj techniki roznych typaŭ i bojeprypasaŭ.
Što zapisana aficyjnaj pryčynaj śmierci adzinaha syna Jarmošynaj?9
Kamientary