Dziarždepartamient ZŠA śćviardžaje, što Amieryka «nie zaachvočvaje» Ukrainu nanosić udary pa terytoryi Rasii i nie daje joj dla hetaha srodkaŭ.
«My dajom Ukrainie ŭsio nieabchodnaje dla prymianieńnia na jaje suvierennaj terytoryi, na ukrainskaj ziamli, suprać rasijskich ahresaraŭ, jakija pierasiekli jaje miežy», — zajaviŭ aficyjny pradstaŭnik Dziarždepartamienta Nied Prajs paśla taho, jak Rasija abvinavaciła Ukrainu ŭ naniasieńni udaraŭ pa abjektach jaje vajennaj infrastruktury.
Prajs taksama padkreśliŭ, što ZŠA nie dajuć Ukrainie zbroju, jakuju jana mahła b vykarystoŭvać za miežami svajoj krainy. «My zaŭsiody jasna davali zrazumieć, što heta abarončaja zbroja», — skazaŭ jon.
Pry hetym, na dumku amierykanskaha Dziarždepa, učarašnija ŭdary pa dźviuch rasijskich vajskovych avijabazach, chutčej za ŭsio, arhanizavała Ukraina.
Jak padkreśliła pamočnik dziaržsakratara ZŠA Viktoryja Nułand, nichto nie ŭziaŭ na siabie adkaznaść za ŭdary, naniesienyja bieśpiłotnikami, ale «metami byli tyja samyja bambardziroŭščyki, jakija Rasija vykarystoŭvaje dla ŭdaraŭ pa klučavych abjektach infrastruktury».
«Jak ja ŭžo kazała, ukraincy nadzvyčaj vynachodlivyja, — padkreśliła Nułand, jakaja tolki što viarnułasia z pajezdki ŭ Kijeŭ. — Jany šmat pracujuć nad svaimi technałohijami i abstalavańniem».
Pry hetym pradstaŭnica Dziarždepa jašče raz nahadała, što amierykanskaja palityka admovy ad pieradačy Ukrainie zbroi, zdolnaj nanosić udary ŭ hłybini rasijskaj terytoryi, zastajecca niaźmiennaj.
-
Pamierła 32‑hadovaja dyzajnierka Volha Šaŭcova — amal pałovu svajho žyćcia jana zmahałasia z ankałohijaj
-
Novy kanflikt vakoł «Pahoni». Litoŭcy vinavaciać biełaruski futbolny kłub u kradziažy ich simvoliki
-
U Vaŭkavyskim rajonie žycharku vioski aštrafavali za vialikuju kolkaść katoŭ. Ale jurystka dapamahła adbicca
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary