Jak daŭžej zachavać banany śviežymi? Hetaja smačnaja i sałodkaja sadavina praciahvaje śpieć paśla zboru. Kali my kuplajem zialonyja ci śvietła-žoŭtyja frukty, to možam nie śpiašacca ich jeści. Adnak u vypadku saśpiełych bananaŭ, asabliva ź ciomnymi plamami, — treba źjeści ich jak maha chutčej. Ale jość vielmi prosty sposab, jak pradoŭžyć ich prydatnaść.
Prapanavany sposab dapamoža vašym bananam zachavacca navat kala tydnia. I dla hetaha navat nie daviadziecca kłaści ich u chaładzilnik. Dastatkova zaharnuć končyki bananaŭ u charčovuju plonku.
Źviarnicie ŭvahu, što kancy banana treba zapakavać napraŭdu mocna i ščylna.
Jakim čynam charčovaja plonka dapamahaje bananam daŭžej zachavać śviežaść? Kali my ščylna zapakoŭvajem kancy fruktaŭ, to spyniajem vydzialeńnie hazu — etylenu — padčas vyśpiavańnia pładoŭ. Abkručvańnie plonkaj značna zapavolvaje hety praces. Takim čynam my možam pradoŭžyć śviežaść sadaviny na 3—5 dzion.
Varta viedać, što karyčnievyja, ź plamkami banany zusim nie škodnyja dla zdaroŭja. Zusim naadvarot! Ich karysna jeści, bo jany stanoŭča ŭpłyvajuć na samaadčuvańnie i dapamahajuć rehulavać arteryjalny cisk. Na žal, jany chutka psujucca. Akramia taho, jany ŭtrymlivajuć bolš cukru i kałoryj. Nie ŭsie viedajuć, što koler banana źviazany ź jaho karysnymi ŭłaścivaściami. Kožnaje z adcieńniaŭ maje svoj stanoŭčy efiekt.
«Jon užo doma». Dačka Ryhora Kastusiova raskazała pra pieršuju hutarku z baćkam paśla vyzvaleńnia1
«Jon užo doma». Dačka Ryhora Kastusiova raskazała pra pieršuju hutarku z baćkam paśla vyzvaleńnia
Rasiejskaja armija rychtuje novy ŭdar pa ŭkrainskaj abaronie — navat bolš mahutny, čym šturm Aŭdziejeŭki13
Kamientary