U haradzienca dyjahnastavali kleščavy encefalit.
«Mužčyna nieadnarazova adčuvaŭ, što da jaho prysmoktvajucca členistanohija, adnak nie nadavaŭ značeńnia hetamu, vyciahvaŭ klaščoŭ samastojna», — patłumačyła doktar-epidemijołah Hrodzienskaha zanalnaha CHE Hanna Kapuścinskaja.
Hetym razam mužčyna zaraziŭsia na palavańni. Paśla vymańnia klašča jon adčuŭ siabie drenna i źviarnuŭsia da miedykaŭ. Siarod skarhaŭ byli hałaŭny bol, młosnaść i vysokaja tempieratura, jakaja dachodziła da 39 hradusaŭ.
«My nastojliva raim pryščaplacca tym, chto časta naviedvaje les. Paciarpiełyja ad ukusaŭ pavinny abaviazkova źviarnucca ŭ palikliniku navat paśla samastojnaha vydaleńnia klašča, dzie za imi budzie ŭstanoŭlena miedycynskaje nazirańnie i pryznačana prafiłaktyčnaje lačeńnie», — dadała epidemijołah.
Ukus klašča moža być niebiaśpiečny, bo členistanohi jość pieranosčykam prynamsi dziesiaci infiekcyjnych zachvorvańniaŭ, u tym liku kleščavoha encefalitu i chvaroby Łajma.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary