Pryčym jašče viasnoj.
«Paśla zvalnieńnia z Kramla Čubajs usio čaściej naviedvaje Izrail. Jon i jaho žonka jašče viasnoj atrymali izrailskaje hramadzianstva, jakoje daje im prava bieź viz padarožničać i žyć u Jeŭropie», — piša telehram-kanał «Možiem objaśniť».
U internecie źjaviłasia fatahrafija eks-kiraŭnika «Rasnana» i eks-pamočnika Pucina Anatola Čubajsa ŭ Tel-Avivie. «Tolki Čubajs z takim napaleonaŭskim vyhladam moža siadzieć u tel-aviŭskim kafe ŭ śniežni 2022 hoda. Zrešty, u sensie asabistaha ŭzbahačeńnia jon, niesumnienna, usim zadavoleny», — prakamientavaŭ fatahrafiju ŭ svaim kanale palitołah Fiodar Krašenińnikaŭ.
Anatol Čubajs biez tłumačeńnia pryčyn pakinuŭ pasadu śpiecpradstaŭnika prezidenta jašče ŭ kancy sakavika. Paviedamlałasia, što jon byŭ u Turcyi, Italii i na Kipry. U mai jaho i žonku Duniu Śmirnovu zaŭvažyli ŭ Izraili. «Niadaŭna Anatol Barysavič naviedaŭ Turcyju, a zatym Izrail, dzie abmiarkoŭvaŭ pytańni supracoŭnictva z šeraham univiersitetaŭ», — skazaŭ TASS jaho pradstaŭnik.
Znajomy Čubajsa raspavioŭ, što były čynoŭnik nieŭzabavie paśla adjezdu z Rasii prajšoŭ praceduru alii — atrymańnia izrailskaha hramadzianstva.
Pra jaŭrejskija karani Čubajsa było viadoma daŭno: u 2017 hodzie izrailski partał paviedamlaŭ: «Mama Anatola Čubajsa, Raisa Jafimaŭna Siehał [pavodle źviestak Vikipiedyi — Sahał], pryviła synu luboŭ da jaŭrejskaha naroda».
Ź viasny Čubajs rehularna naviedvaje Izrail. Były čynoŭnik nienadoŭha pryjazdžaŭ tudy i ŭ siaredzinie listapada, raspaviadaŭ «MO» jašče adzin jaho znajomy. Vizit Čubajsa ŭ kancy śniežnia moža aznačać, što Novy hod eks-pryvatyzatar Rasii budzie sustrakać na novaj radzimie.
Stała viadoma pra zatrymańnie 77-hadovaha Vasila Hustyra, adnaho z najlepšych ahraryjaŭ Biełarusi6
Kamientary