U Minsku sudziać maci i dačku, jakija pracavali ŭ MTBanku, za pieradaču danych u ČKB
U Minskim haradskim sudzie učora, 26 śniežnia, raspačaŭsia praces nad palitźniavolenymi supracoŭnicami MTBanka Inaj i Valeryjaj Hlinskimi, piša «Viasna».
Maci i dačku sudziać za pieradaču ŭ 2020 hodzie danych siłavikoŭ u «Čornuju knihu Biełarusi». Ich sudziać pa troch artykułach Kryminalnaha kodeksa: č. 3 art 130 (raspalvańnie inšaj sacyjalnaj varožaści), č. 3 art. 203-1 (niezakonnyja dziejańni ŭ dačynieńni da infarmacyi ab pryvatnym žyćci i piersanalnych danych), art. 352 (niepravamiernaje zavałodańnie kampjutarnaj infarmacyjaj). Spravu razhladaje Taćciana Falkoŭskaja. Hlinskich amal hod utrymlivajuć u SIZA-1.
Sud raspačaŭsia 26 śniežnia 2022 hoda i prachodzić u adkrytym režymie. U sudzie palitźniavolenyja całkam pryznali vinu pa dvuch artykułach Kryminalnaha kodeksa — č. 3 art. 203-1, č. 3 art. 352 i častkova pavodle č. 3 art. 130. Jany zajavili, što ŭ ich nie było mety «raspalvać».
Pa spravie prachodziać piaciora paciarpiełych — supracoŭniki milicyi i sudździa. Adna ź ich — supracoŭnica Partyzanskaj RUUS Minska Lilijana Žylankova, jakaja razam z maci pryjšła na sud.
«Jany vykłali adras majho pražyvańnia i toj, dzie žyvie siamja brata z maleńkimi dziećmi. Potym dapoŭnili danymi baćkoŭ. Telefanavali i pisali im i mnie. Maŭlaŭ, jak mahli vychavać «takoje»?.. Mama vielmi pieražyvała, płakała kožny dzień. Pisali ž: «Vašu dačka pa kole puścim. Chaj chodzić i azirajecca, da chaty nie dojdzie», «Znojdziecie jaje pa častkach»… Mama vychodziła sustrakać mianie z pracy. Pryjšłosia taksama pamianiać numar mašyny, stavić jaje daloka ad doma».
Paviedamlajecca, što ŭ adnoj z pryvatnych miedycynskich ustanoŭ, u jakoj raniej absłuhoŭvałasia supracoŭnica Partyzanskaj RUUS, skazali, što ciapier joj u miedycynskich pasłuhach admaŭlajuć.
Sud praciahvajecca.
Padtrymajcie palitźniavolenych hrašovymi pieravodami, pasyłkami, miedycynskimi banderolkami i telehramami: SIZA-1, 220030, h. Minsk, vuł. Vaładarskaha, 2 (Valeryja Andrejeŭna Hlinskaja, Ina Valerjeŭna Hlinskaja).
Kamientary