Paranieny kalinoviec Dzianis Urbanovič pieraviedzieny z reanimacyi ŭ pałatu
Pra stan kalinoŭcaŭ, paranienych na ŭschodzie Ukrainy, raskazała kamandzir evakuacyi bataljona «Vołat» Nastaśsia «Sievier» Machamiet.
«Usie stabilnyja, u narmalnym stanie. Ich žyćciam ničoha nie pahražaje. Urbanoviča z reanimacyi pieraviali ŭ pałatu. Pytańnie staić u reabilitacyi. Chutka ŭsie chłopcy buduć u Kijevie. Budziem spakojnyja, što strataŭ u nas nie budzie», — adznačyła Nastaśsia Machamiet.
Dzianisa Urbanoviča paraniła ŭ hrudnuju kletku. Pra ranieńnie kiraŭnika «Maładoha frontu» i jaho sasłužyŭcaŭ paviedamiła 5 studzienia pres-słužba pałka Kalinoŭskaha.
«Bajcoŭ evakujavali, im była svoječasova akazana miedycynskaja dapamoha», — havaryłasia ŭ paviedamleńni. Hrupa evakuacyi atrymała kantuzii.
Dzianis Urbanovič traplaje ŭ špital užo treci raz. Uletku jaho kantuziła, a ŭ listapadzie jon atrymaŭ askołačnaje ranieńnie.
Połk Kalinoŭskaha praciahvaje baranić Bachmut. Pra toje piša pres-słužba vajskovaha farmiravańnia.
«Zaraz. Tut. Svaimi achviarami i pralitaj kryvioju my zapisvajem u historyju Ukrainy naš uniosak u pieramohu dabra nad hetym złom Mordara», — pieradaje z frantavoha horada kamandzir bataljona «Vołat» Jan «Biełarus» Mielnikaŭ.
Dzianis Urbanovič apublikavaŭ svajo fota paśla ranieńnia
«Dadomu chočacca». Bajec bataljona «Vołat» Dzianis Urbanovič raskazaŭ, jak vajuje paśla kantuzii
Dzianisa Urbanoviča paśla kantuzii pieraviali ŭ inšy špital. «Pa darozie stała błaha»
Stała viadoma, chto žanich byłoj deputatki Maryi Vasilevič26
Kamientary
Vsie budiet Ukraina! Žyvie Biełaruś!