Recept na vychadnyja. Syrnaje sufle — prostyja inhredyjenty i šykoŭny vynik

Kab zhatavać syrnaje sufle, vam spatrebicca:

• 2 tonka narezanyja čyrvonyja cybuliny ahulnaj vahoj prykładna 400 hramaŭ
• 3 stałovyja łyžki čyrvonaha vinnaha vocatu (možna brać jabłyčny ci bieły vinny vocat)
• 60 hramaŭ muki
• 125 hramaŭ masła
• 300 mililitraŭ abiastłuščanaha małaka
• 175 hramaŭ syru čedar ci inšaha ćviordaha syru
• 6 jajek (adździalicie žaŭtki ad białkoŭ)
• 1—2 čajnyja łyžki z horkaj dyžonskaj harčycy ci harčyčnaha parašku
• 750 hramaŭ bulby
• 250 hramaŭ bujna narezanaj cybuli-pareju

1. Razahrejcie duchoŭku da 200 hradusaŭ. Pieramiašajcie čyrvonuju cybulu z vocatam i drobkaj soli, adstaŭcie ŭbok.
2. Na siarednim ahni padpražcie muku ŭ 60 hramach masła da załacistaha koleru i źjaŭleńnia pachu, vam spatrebicca 2—3 chviliny. Dadajcie pałovu małaka i łapatkaj ci vienčykam całkam źmiašajcie jaho z mukoj i masłam. Dadajcie astatniaje małako i pieramiešvajcie, pakul nie atrymajecca adnarodnaja masa. Praciahvajcie pamiešvać sous na ahni 2—3 chviliny, pakul jon nie zahuścieje. Zdymicie sous z ahniu.
3. Padrychtujcie patelniu ci formu pamieram prykładna 20 na 9 santymietraŭ i vyšmarujcie jaje 15 hramami masła. Drobna natrycie 25 hramaŭ syru prosta ŭ formu, starajciesia jak maha bolš pakryć krai. Paviarnicie formu tak, kab syr pakryvaŭ usie vyšmaravanyja masłam častki.
4. Uźbicie białki z drobkaj soli da ćviordych pikaŭ. Pa adnym dadajcie ŭ sous žaŭtki. Kali sumieś budzie adnarodnaj, umiašajcie tudy reštki syru (treba jaho nacierci), harčycu i drobku soli. Pieramiešvajcie ŭźbityja białki z syrnaj sumieśsiu pa čverci za raz, pakul jany całkam nie źmiašajucca. Budźcie aściarožnyja, kab nie vybić ź białkoŭ zanadta šmat pavietra.
5. Vykładzicie sumieś u formu. Pastaŭcie jaje na blachu z vysokimi borcikami, napoŭnienuju vadoj na 2 santymietry. Pamiaścicie blachu ŭ duchoŭku i zapiakajcie sufle 30 chvilin. Paviarnicie blachu na 180 hradusaŭ i praciahvajcie hatavać jašče 10—15 chvilin, pakul vierch sufle nie padrumianicca i nie zastynie.
6. Tym časam advarycie bulbu ŭ padsolenaj vadzie da miakkaści. Dadajcie narezanuju cybulu-parej da 50 hramaŭ masła ŭ patelni siaredniaha pamieru. Aściarožna hatujcie pad nakryŭkaj na patelni na siarednim ahni, pakul cybula nie stanie miakkaj. Pieramiašajcie cybulu z bulbaj i mołatym čornym piercam i padavajcie z sufle i z čyrvonaj cybulaj.

Recept na vychadnyja. Bulba, faršyravanaja traskoj, — strava dla siamiejnaha abiedu

Nikoli nie zamarožvajcie smažanaha. Voś čamu

Recept na vychadnyja. Pałoska piasočnaja — jak u dziacinstvie

• 8
• 0
• 0
• 0
• 1
• 0
• 2
• 0