Google stvaryŭ niejrasietku MusicLM, jakaja moža hienieravać muzyku pa apisańni karystalnika
MusicLM — heta novaja sistema štučnaha intelektu ad kampanii Google, jakaja stvaraje muzyku luboha žanru i składanaści pa tekstavym, vizualnym i hukavym zapytach. Pa słovach raspracoŭščykaŭ, niejrasietka zdolnaja ŭłoŭlivać drabniutkija niuansy z doŭhich ci karotkich apisańniaŭ karystalnikaŭ i stvarać kampazicyi takim čynam, byccam jany napisanyja žyvymi muzykami. Adnak kampanija pakul nie ryzykuje vypuskać pradukt u svabodny dostup.
Pradukt Google moža hienieravać kantent na asnovie naśvistvańnia i napiavańnia, a taksama zdolny prymać apisańni ŭ vyhladzie fatahrafij, malunkaŭ, karcinak abo sapraŭdnych karcin ź nievialikimi podpisami.
«Dla atrymańnia navyku stvareńnia kampazicyj pry dapamozie apisańniaŭ MusicLM navučaŭsia na 280 tys. hadzinach muzyki. Hienieracyja miełodyj pry hetym niaźmienna adbyvajecca na častacie 24 kH», — skazana ŭ daśledčym artykule, jaki apisvaje pracu niejrasietki.
Adnak jość adzin niuans: 1% zhienieravanaj muzyki napramuju paŭtaraje miełodyi z naboru dla navučańnia. Heta značyć, prahrama moža parušyć aŭtarskija pravy.
Tamu raspracoŭščyki z Google pakul nie płanujuć dzialicca zychodnym kodam niejrasietki abo davać karystacca joj u ahulnym dostupie, bo nie žadajuć mieć spravu z sudovymi ciažbami. Zamiest hetaha byli apublikavanyja tolki 5500 zhienieravanych kampazicyj razam ź ich apisańniami dla demanstracyi mahčymaściaŭ MusicLM.
Čytajcie jašče:
Jak u druhim «Terminatary»: navukoŭcy stvaryli robata, zdolnaha pieratvaracca ŭ vadkaść i naadvarot
My adšukali ŭ Telegram funkcyju, jakaja moža być niebiaśpiečnaj dla biełarusaŭ. Voś jak zaścierahčy siabie i jak zrabić jaje karysnaj
Ad TikTok patrabujuć adpaviednaści zakonam ES ab ličbavych pasłuhach, inakš jaho mohuć zabaranić u Jeŭropie
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»23
Kamientary