Minabarony: Biełarusy pačali ekspłuatavać «Iskandery» samastojna
U Biełarusi pačałasia samastojnaja ekspłuatacyja rasijskaha zienitna-rasijskaha kompleksu «Iskander». Biełaruskija vajskoŭcy prajšli dla hetaha navučańnie ŭ Rasii, paviedamili ŭ Minabarony.
Pavodle paviedamleńnia pres-słužby, adpaviednyja padraździaleńni «ŭkamplektavanyja vyklučna aficerami, praparščykami i vajskoŭcami, jakija prachodziać słužbu pa kantrakcie».
Načalnik rakietnych vojskaŭ i artyleryi Uzbrojenych Siłaŭ Biełarusi Rusłan Čechaŭ adznačyŭ, što rakietnym vojskam nie chapała «srodkaŭ ahniavoha paražeńnia kompleksu, zdolnaha vykonvać zadačy na dalokaści bolš za 300 km». A ciapier tut znachodzicca «dastatkovy zapas rakiet da kompleksu, jaki dazvolić vykanać lubuju zadaču».
Raniej Alaksandr Łukašenka zajaviŭ pra toje, što Biełaruś pastaviła na bajavoje dziažurstva pieradadzienyja Rasijaj zienitnyja rakietnyja kompleksy S-400 i «Iskander». Heta adbyłosia ŭ vyniku pieramoŭ z Uładzimiram Pucinym 19 śniežnia minułaha hoda ŭ Minsku.
«Kubło takoje». Ź pierapisak Kabančuka robicca jasna, čamu Vieramiejčyka paličyli niebiaśpiekaj i zabaranili jamu ŭjezd va Ukrainu39
Kamientary