Turcyja spyniaje absłuhoŭvańnie samalotaŭ biełaruskich i rasijskich avijakampanij
Kampanija Havaş, jakaja źjaŭlajecca daččynaj kampanijaj TAV Airports, najbujniejšaha ŭ Turcyi pastaŭščyka pasłuh naziemnaha absłuhoŭvańnia ŭ aeraportach, papiaredziła, što nie zmoža absłuhoŭvać samaloty z Rasii, Biełarusi i Irana amierykanskaj i jeŭrapiejskaj vytvorčaści, u pryvatnaści, Boeing i Airbus. Pra heta paviedamiła tureckaje profilnaje vydańnie Haber Aero.
«Zahad ab časovaj admovie ŭ absłuhoŭvańni tyčycca techničnaha absłuhoŭvańnia samalotaŭ, jakija nakiroŭvajucca z Rasii i Biełarusi i asnaščanyja bolš čym na 25% detalami amierykanskaj vytvorčaści», — pierakazvaje vydańnie źmiest lista prezident Havaş Miece Erna.
Jak adznačajecca, u «čornym śpisie» — bolš za 170 samalotaŭ, u asnoŭnym rasijskich, ale siem ź ich — biełaruskija, a čatyry — iranskija.
Z avijakampanij u śpis uvajšli rasijski fłahmanski pieravozčyk «Aerafłot», hruzavaja avijakampanija AirBridgeCargo, Azur Air, I Fly, Pegas Fly, «Pobieda», «Rasija», S7, Utair, Ural Airlines, Red Wings, Nordwind, Yamal. Taksama ŭ śpisie biełaruskaja Belavia i Iran Air dy Mahan Airlines ź Irana.
Samaloty traplajuć pad abmiežavańni Ministerstva handlu ZŠA, uviedzienyja viasnoj 2022 hoda ŭ adkaz na vajennuju apieracyju Rasii va Ukrainie.
Kamientary