«Śviadoma ci padśviadoma, ale ŭsie ŭ Biełarusi razumiejuć, što ŭsio zaležyć ad tych, chto trymaje ŭ rukach zbroju»
Kali b u 2020-m chtości z hienierałaŭ pierajšoŭ na bok pratestoŭcaŭ, usio pajšło b inakš. A pierajści ŭ budučyni siłaviki mohuć tolki ŭ tym vypadku, kali «jany buduć bačyć mocny alternatyŭny centr, kudy ściakajecca ŭsio, što maje patencyjał: Cichanoŭskaja, Paźniak, Sachaščyk, Łatuška, Połk Kalinoŭskaha, kibierpartyzany i hetak dalej».
«Niadaŭna pračytaŭ cikavy artykuł pra toje, što narodnyja ruchi na postsavieckaj prastory pieramahali tolki tam, dzie ŭłada była raźmierkavanaja pamiž niekalkimi centrami i siłaviki pierajšli na bok inšaha centra. Tak było va Ukrainie, Hruzii, Armienii. U Biełarusi ŭ žniŭni 2020 hoda nie było niejkaha palityčnaha subjekta, instytuta, na čyj bok mianty i KDBšniki mahli b pierakinucca, — piša kamientatar SM na sajcie «Našaj Nivy».
— Dla nahladnaści pryviadu prykład. Kali b u pieryjad 13—17 žniŭnia na bok pratestoŭcaŭ pierajšoŭ Makiej, abo Vakulčyk, abo Raŭkoŭ, heta pa-pieršaje, rezka pavysiła b šancy na pieramohu, a pa-druhoje, zrabiła b vyšejpakazanuju asobu pa svaim značeńni jak minimum roŭnaj Cichanoŭskaj. Nu, pahadziciesia, kali navat dyrektar teatra, faktyčna, staŭ tady druhim numaram apazicyi, to jaki byŭ by ŭpłyŭ u ministra abo kiraŭnika Rady biaśpieki?!
Dyk voś. Śviadoma ci padśviadoma, ale ŭsie ŭ Biełarusi razumiejuć, što ŭsio zaležyć ad tych, chto trymaje ŭ rukach zbroju. Adsiul i ŭsie hetyja skoki vakoł Pałka Kalinoŭskaha, ale ciapier nie pra heta. Pieramoha revalucyi mahčymaja na novym vitku historyi ŭ čarhovy pierałomny momant tolki pry ŭmovie, što siłaviki vyrašać, što pad kryłom apazicyi budzie nadziejniej i biaśpiečniej, čym pad kiravańniem Łukašenki, — miarkuje kamientatar.
— Kali jany buduć bačyć mocny alternatyŭny centr, kudy ściakajecca ŭsio, što maje patencyjał, ale nie pryžyvajecca ŭ RB, dzie znachodziacca ŭsie: Cichanoŭskaja, Paźniak, Sachaščyk, Łatuška, Połk Kalinoŭskaha, kibierpartyzany i hetak dalej, to heta, naturalna, budzie vyklikać u ich davier i pavahu. A kali tut piać roznych centraŭ, jakija hryzuć adzin adnaho, to, samo saboj, praktyčna kožny vysokapastaŭleny mient navat u dzień, kali budzie vyrašacca los Biełarusi, nie ryzyknie rypacca i pakinie ŭsio jak jość, schavaŭšysia ŭ kabiniecie da momantu, pakul usio nie supakoicca. I tak pa kole…»
Vyjšaŭ na svabodu 76-hadovy Siamion Dobkin, brat zasnavalnika EPAM2
Kamientary
Pomohajtie Kalinovcam - ot ich obieśpiečienija i ich vozmožnostiej napriamuju zavisit buduŝij uśpiech boŕby za volnuju Biełaruś.