Źviestki pra samyja vysokadachodnyja prafiesii ŭ Biełarusi apublikavała Hałoŭnaje statystyčnaje ŭpraŭleńnie Minska, pieradaje ahienctva «Minsk-Naviny». Akazvajecca, što ŭ nas užo jość ažno dźvie prafiesii, jakija abahnali pa zarobkach śpiecyjalistaŭ IT.
Pieršaja prafiesija, pradstaŭniki jakoj atrymlivajuć zarobki vyšejšyja, čym ajcišniki, — top-mieniedžary hornazdabyŭčaj pramysłovaści. Heta supracoŭniki kampanii «Słaŭkalij» i šerahu inšych, hałaŭnyja ofisy jakich znachodziacca ŭ Minsku. U nazvanych śpiecyjalistaŭ siaredniaja naličanaja zarabotnaja płata za śniežań 2022 hoda składała 7921,2 rubla, a ŭ listapadzie minułaha hoda — 19262 rubla.
Jašče adna prafiesija, jakaja taksama abahnała pa zarpłacie IT-śpiecyjalistaŭ — dapamožnaja dziejnaść u śfiery finansavych pasłuh i strachavańnia. Hetyja śpiecyjalisty, pa źviestkach dziaržaŭnaj statystyki, u śniežni 2022 hoda atrymlivali ŭ siarednim pa 7523,7 rubla, a ŭ listapadzie 2022 — pa 4360,3 rubla.
Što tyčycca ajcišnikaŭ, to jany ŭ siarednim u śniežni minułaha hoda zarablali pa 7340,1 rubla, a ŭ listapadzie 2022 — 5967 rubloŭ.
Čaćviortaje miesca — u pradstaŭnikoŭ pavietranaha transpartu. U śniežni minułaha hoda jany ŭ siarednim zarablali pa 5328,5 rubla, a ŭ listapadzie — pa 4264,2 rubla.
Milinkievič: Kiepska, što Cichanoŭskaja nie razumieła, čyj Krym. Ale jana prajšła evalucyju6
Kamientary