Za 2024 hod u Biełarusi vyjavili 795 falšyvych hrašovych znakaŭ — ich ahulnaja kolkaść źmienšyłasia na 28,1% u paraŭnańni z 2023 hodam. Asnoŭnuju dolu skłali padroblenyja dalary — 83,1%, dalej iduć rasijskija rubli (9,1%), jeŭra (6,8%) i biełaruskija rubli (0,9%), paviedamlaje Nacbank.
U paraŭnańni z 2023 hodam kolkaść padroblenych dalaraŭ źmienšyłasia na 31,9%, a biełaruskich rubloŭ — na 66,7%. Adnak kolkaść padrobak rasijskich rubloŭ, naadvarot, vyrasła na 16,1%.
Siarod dalaraŭ čaściej za ŭsio padrablali banknoty naminałam 100 i 50 dalaraŭ — 64,1% i 35,4% adpaviedna. Asnoŭnuju masu padroblenych rasijskich rubloŭ skłali kupiury naminałam 5000 rubloŭ — 84,7%.
Što tyčycca jeŭra, pieravažali padrobki banknot naminałam 50 jeŭra (64,8%). U biełaruskich rublach zafiksavany tolki adzinkavyja vypadki padrobak kupiur uzoru 2009 hoda.
Padrobki byli vyjaŭleny ŭ 60 nasielenych punktach. U Minsku zafiksavana 41,4% usich vypadkaŭ.
Ciapier čytajuć
Pamierła 45-hadovaja eks-palitźniavolenaja Tamara Karavaj. Letaś jaje vyzvalili pa pamiłavańni2
Kamientary