Staršynia Centralnaj vybarčaj kamisii Ihar Karpienka raskazaŭ, što adziny dzień hałasavańnia ŭłady ŭviali, kab pazbavić siabie lišniaha stresu.
«Kali my kožnuju kampaniju raniej pravodzili asobna, u pramiežku čatyroch hadoŭ my ŭvieś čas znachodzilisia ŭ niejkim vybarčym pracesie. Chaciełasia b usio-tki, kab była vybarčaja stabilnaść. Lubaja elektaralnaja kampanija — heta svojeasablivaje ŭzrušeńnie, stres dla krainy», — skazaŭ Ihar Karpienka ŭ efiry ANT.
Kiraŭnik CVK patłumačyŭ, što ŭ hety dzień čałaviek atrymaje adrazu niekalki biuleteniaŭ — naprykład, pa vybarach deputataŭ u Pałatu pradstaŭnikoŭ i pa vybarach deputataŭ Minskaha haradskoha savieta deputataŭ.
Adziny dzień hałasavańnia budzie prachodzić u apošniuju niadzielu lutaha. U 2024 hodzie heta 25 lutaha.
«U Kanstytucyi zakładziena, što paśla adzinaha dnia hałasavańnia nie paźniej čym praz 60 dzion pavinna adbycca pieršaje pasiadžeńnie Usiebiełaruskaha narodnaha schodu. Takim čynam, apošni dzień dla pačatku pracy pasiadžeńnia UNS — 25 krasavika», — adznačyŭ Karpienka.
Kamientary