Łukašenka zajaviŭ, što «hatovy znoŭ pradastavić» terytoryju Biełarusi rasijskaj armii
Alaksandr Łukašenka ŭ adkaz na pytańnie Bi-Bi-Si zajaviŭ, što hatovy znoŭ pradastavić terytoryju Biełarusi dla ŭvarvańnia va Ukrainu, bo «Rasija była vymušana ažyćciavić hetyja dziejańni dla zabieśpiačeńnia svajoj biaśpieki». U paviedamleńni łukašenkaŭskaha ahienctva BiełTA słovy «Ja hatovy znoŭ pradastavić» vyrazanyja.
«Tak, ja hatovy… «Vy havorycie «ŭvarvańnie», u nas roznyja pohlady na heta…. Ja dumaju, što Rasija była vymušana ažyćciavić hetyja dziejańni dla zabieśpiačeńnia svajoj biaśpieki… Ja hatovy znoŭ pradastavić [terytoryju]. Ale ja taksama hatovy vieści vajnu razam z ruskimi z terytoryi Biełarusi, ale tolki ŭ tym vypadku, kali chto-niebudź — navat adzin sałdat — pryjdzie na našu terytoryju sa zbrojaj, kab zabivać maich ludziej», — zajaviŭ Alaksandr Łukašenka na sustrečy ź biełaruskimi i zamiežnymi žurnalistami ŭ Minsku 16 lutaha.
Poŭnuju cytatu jaho vykazvańnia daje Bi-Bi-Si, karespandent jakoha Styŭ Rozienbierh prysutničaŭ na sustrečy z žurnalistami i zadaŭ hetaje pytańnie.
U paviedamleńni łukašenkaŭskaha ahienctva BiełTA słovy «Ja hatovy znoŭ pradastavić» byli vyrazanyja.
Alaksandr Łukašenka paŭtaryŭ svajo chłuślivaje śćviardžeńnie, što jašče da pačatku tak zvanaj «śpiecyjalnaj vajskovaj apieracyi» pa terytoryi Biełarusi z boku Ukrainy rychtavaŭsia ŭdar rakietnymi sistemami załpavaha ahniu.
«Heta byli naŭmysnyja dziejańni ŭkrainskaha boku. Nie viedaju tolki, navošta heta treba było. Jany ŭ pieršyja chviliny byli padvierhnutyja ŭdaru z terytoryi Biełarusi. Heta było za niekalki chvilin — ranicaj, pierad pačatkam śpiecyjalnaj vajennaj apieracyi», — skazaŭ jon.
«Usie ekstremisty ci ŭžo asudžanyja, ci źjaŭlajucca fihurantami spraŭ, jakija buduć razhledžany sudami». Švied padvodzić rysu pad represijami?8
Kamientary