Bajden ździejśniŭ tajemny vizit u Kijeŭ paśla šmathadzinnaj pajezdki na ciahniku ad miažy z Polščaj
Pa danych New York Times, Bajden pakinuŭ Vašynhton biez papiaredžańnia paśla taho, jak u subotu ŭviečary razam z žonkaj paviačeraŭ u restaranie za miežami Biełaha doma, što byvaje redka.
Bajden pavinien byŭ prybyć u Varšavu ŭ aŭtorak ranicaj, aficyjnyja asoby nieadnarazova admaŭlali, što isnujuć jakija-niebudź inšyja płany.
Bieły dom u niadzielu ŭviečary apublikavaŭ raskład na paniadziełak, zhodna ź jakim prezident usio jašče znachodzicca ŭ Vašynhtonie, a ŭviečary lacić u Varšavu, choć na samaj spravie jon užo byŭ na paŭdarohi da Ukrainy.
Niečakany vizit Bajdena adbyŭsia za dzień da zapłanavanaha na aŭtorak vystupu Pucina, u jakim rasijski lidar raspaviadzie pra vajskovyja namahańni svajoj krainy.
Taksama paviedamlajecca, što Bajden moh sustrecca ź Zialenskim u Lvovie, ale jon sam nastajaŭ na vizicie ŭ Kijeŭ.
U Kijevie prezident ZŠA zajaviŭ pra čarhovy pakiet dapamohi na 500 miljonaŭ dalaraŭ.
«Heta pytańnie času, ale treba saśpieć». Pucin zahavaryŭ pra adziny parłamient i valutu Biełarusi i Rasii7
«Heta pytańnie času, ale treba saśpieć». Pucin zahavaryŭ pra adziny parłamient i valutu Biełarusi i Rasii
Biełaruskija biznesmieny śpiešna pradajuć doli ŭ svaich polskich transpartnych kampanijach. Što adbyvajecca?2
Kamientary
Dla čieho prieduprieždienije? Dla priedotvraŝienija vozmožnych hłupostjej.