U Spotify źjaviłasia niejrasietka-dydžej, jakaja sama padbiraje muzyku na vaš hust
Štučny intelekt užo vykarystoŭvajecca ŭ ZŠA i Kanadzie, a potym stanie dastupny ŭ bolšaści krain.
Spotify 22 lutaha aficyjna vypuściŭ abnaŭleńnie z novaj niejrasietkaj DJ, jakaja budzie zajmacca padborkaj trekaŭ na asnovie vašych pieravah i muzyčnych hustaŭ, supravadžajučy heta svaimi ŭłasnymi kamientarami i paradami.
Pa zajavach kampanii, DJ pry dapamozie svajho «niejmavierna realistyčnaha hołasu» (śpisanaha z adnaho z supracoŭnikaŭ, jaki viadzie strymy) zrobić praces padboru muzyki maksimalna niazmušanym i rassłablenym.
Jon budzie apisvać dla vas vykanaŭcaŭ i ich kampazicyi, harmanična razbaŭlajučy heta cikavymi faktami i navat svaimi žartami.
«Jon adsartuje śviežuju muzyku i ŭspomnić niekatoryja z vašych starych lubimych piesień — mahčyma, navat znoŭku znojdzie tuju samuju pieśniu, jakuju vy nie słuchali hadami, albo stracili. Zatym jon praanalizuje, što vam moža spadabacca, i prapanuje patok trekaŭ, padabranych śpiecyjalna dla vas. I bolš za toje, jon uvieś čas budzie abnaŭlać liniejku na asnovie vašych vodhukaŭ», — raspaviadaje kampanija Spotify.
Pry hetym jana dadaje, što čym bolš vy budziecie vykarystoŭvać novuju niejrasietku DJ, tym lepš jana daznajecca pra vas i vašy husty, što lepš adabjecca na padbory muzyki.
U hety momant hetuju funkcyju ŭžo možna vykarystoŭvać pry najaŭnaści premium-padpiski ŭ ZŠA i Kanadzie tolki na anhlijskaj movie. Potym atrymajuć dostup karystalniki i ź inšych krain.
Čytajcie jašče:
Džej Ło, Metallica, Depeche Mode. Samyja čakanyja albomy 2023 hoda
Apple źbirajecca vypuścić noŭtbuk z sensarnym dysplejem
Google stvaryŭ niejrasietku MusicLM, jakaja moža hienieravać muzyku pa apisańni karystalnika
Juraś Ziankovič raskazaŭ pra svajo vyzvaleńnie i šlach u ZŠA6
Kamientary