Znajšli biełarusku, jakuju zmyła chvalaj u hruzinskim Kabuleci
Z 22 lutaha ŭ horadzie Kabuleci, što znachodzicca pad Batumi, šukali biełarusku Irynu Ślusar, jakuju zmyła chvalaj u mora. Ranicaj 27 lutaha dziaŭčynu znajšli miortvaj.
Iryna Ślusar była saŭładalnicaj teatra «Łoś i śvietlačok», što pracuje ŭ Tbilisi. U druhoj pałovie lutaha dziaŭčyna pryjechała ŭ Kabuleci, kab vyvučyć umovy ŭ horadzie pierad mahčymym pierajezdam tudy i trochi pabavić tam čas.
22 lutaha kala 17 hadzin Iryna ź siabroŭkaj i sabakam špacyravali pa bierazie mora. U miescy, dzie ŭ mora ŭpadaje raka Kintryšy, sabaku zmyła chvalaj, i dziaŭčaty kinulisia jaho ratavać. Siabroŭka Iryny zdoleła vybracca z vady i vyjści da ludziej, jakija vyklikali joj chutkuju, pra samu ž Irynu ničoha nie było viadoma.
Pošuki biełaruski abjadnali šmat vałancioraŭ roznych nacyjanalnaściej, u tym liku biełarusaŭ, ukraincaŭ, ruskich. Ale cuda nie zdaryłasia: ranicaj 27 lutaha ŭ čacie vałancioraŭ źjaviłasia paviedamleńnie, što dziaŭčynu znajšli zahinułaj. Vałanciory nie raskryvajuć padrabiaznaści.
«Naša Niva» — bastyjon biełaruščyny
PADTRYMAĆ«Jaje siabroŭku vykinuła na bierah». Jak u hruzinskim Kabuleci šukajuć źnikłuju biełarusku
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam5
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam
«Ludzi chočuć pieramovaŭ z tymi, chto maryć ich źniščyć fizična». Hutarka z Alaksandram Kabanavym pra žyćcio, «Biełpoł» i razychodžańnie ź Piatruchinym77
Kamientary