З 22 лютага ў горадзе Кабулеці, што знаходзіцца пад Батумі, шукалі беларуску Ірыну Слюсар, якую змыла хваляй у мора. Раніцай 27 лютага дзяўчыну знайшлі мёртвай.
Ірына Слюсар была саўладальніцай тэатра «Лось і светлячок», што працуе ў Тбілісі. У другой палове лютага дзяўчына прыехала ў Кабулеці, каб вывучыць умовы ў горадзе перад магчымым пераездам туды і трохі пабавіць там час.
22 лютага каля 17 гадзін Ірына з сяброўкай і сабакам шпацыравалі па беразе мора. У месцы, дзе ў мора ўпадае рака Кінтрышы, сабаку змыла хваляй, і дзяўчаты кінуліся яго ратаваць. Сяброўка Ірыны здолела выбрацца з вады і выйсці да людзей, якія выклікалі ёй хуткую, пра саму ж Ірыну нічога не было вядома.
Пошукі беларускі аб’ядналі шмат валанцёраў розных нацыянальнасцей, у тым ліку беларусаў, украінцаў, рускіх. Але цуда не здарылася: раніцай 27 лютага ў чаце валанцёраў з’явілася паведамленне, што дзяўчыну знайшлі загінулай. Валанцёры не раскрываюць падрабязнасці.
«Наша Нiва» — бастыён беларушчыны
ПАДТРЫМАЦЬ«Яе сяброўку выкінула на бераг». Як у грузінскім Кабулеці шукаюць зніклую беларуску
Эйсмант: Ніякіх выбачэнняў Лукашэнка Зяленскаму не прыносіў, бо прасіць прабачэння нам няма за што51
Каментары