Pravaabaroncy pryvodziać statystyku pa palitźniavolenych žančynach.
Siońnia ŭ Biełarusi naličvajecca 155 palitźniavolenych žančyn, jakija ŭtrymlivajucca ŭ miescach niesvabody. U suviazi z pratestami suprać dziejnaj ułady i vajnoj va Ukrainie z 2020 hoda 165 žančyn byli asudžanyja da kałonii, 304 — da «chatniaj chimii», 60 — da «chimii», čatyry žančyny — da aryštu, adna — da prymusovaha lačeńnia.
Viadoma, heta nie poŭnyja ličby, bo nie pra ŭsie vypadki stanovicca viadoma žurnalistam i pravaabaroncam.
Za što na žančyn zavodzili palityčnyja kryminalnyja spravy?
Za akcyi pratestu na biełarusak była zaviedziena 271 kryminalnaja sprava. Sudzili taksama 15 kamientatarak pa spravie Zielcera i jaho ŭdavu, jakaja była śviedkaj zabojstva.
Za kraty adpraŭlali biełarusak, jakija vystupali suprać vajny. Naprykład, 21-hadovuju studentku Danutu Pieradnia adpravili na 6,5 hoda ŭ kałoniju za toje, što jana 27 lutaha 2022 hoda pierapościła ŭ adzin z mahiloŭskich čataŭ tekst, u jakim u rezkaj formie krytykavalisia dziejańni Uładzimira Pucina i Alaksandra Łukašenki pa raźviazvańni vajny va Ukrainie. Taksama tam utrymlivaŭsia zaklik da vuličnych vystupleńniaŭ i kanstatavałasia adsutnaść pierśpiektyŭ u biełaruskaj armii ŭ vypadku jaje pramoha ŭstupleńnia ŭ vajnu.
Spravy zavodzili taksama na tych, chto davaŭ intervju niezaležnym ŚMI. Hučny vypadak — Darja Łosik, žonka palitviaźnia i błohiera Ihara Łosika.
Žančyn sudziać taksama za ich prafiesijnuju dziejnaść, siońnia za kratami žurnalistki, pravaabaroncy i palitołahi.
-
Łukašenka: Paśla abvastreńnia stanovišča na miažy ŭ vajenkamaty źviarnulisia tysiačy dobraachvotnikaŭ
-
Top-7 novaŭviadzieńniaŭ amnistyi-2024 — palohka žančynam, asudžanym za narkotyki ci zabojstva, u jakich jość dzieci
-
Łukašenka: Siońnia nas sprabuje vučyć uvieś Jeŭrasajuz na čale sa Złučanymi Štatami
Čatyrochhadovaja Maja Lubimcava, jakuju šukali bolš za sutki, zahinuła
Kamientary