Vyjšaŭ čarhovy zbor tvoraŭ u fundamientalnaj sieryi časopisa «ARCHE» — zbornik prac Antona Łuckieviča «Baraćba za vyzvaleńnie».
Vyjšaŭ čarhovy zbor tvoraŭ u fundamientalnaj sieryi časopisa «ARCHE» — zbornik prac Antona Łuckieviča «Baraćba za vyzvaleńnie».
Siudy ŭvajšli pracy, jakija nie byli nadrukavanyja ŭ pieršym i druhim vydańniach Łuckieviča. Pieršaje pabačyła śviet u 2003 hodzie ŭ «Biełaruskim knihazbory» pad nazvaj «Da historyi biełaruskaha ruchu», a druhoje ŭ 2006 — «Vybranyja tvory: prablemy kultury, litaratury i mastactva».
«Baraćba za vyzvaleńnie» składajecca z troch raździełaŭ — u pieršym źmieščanyja biełaruskija teksty Łuckieviča, u druhim — pierakłady polskamoŭnych tekstaŭ, a ŭ trecim — dziońnik.
Anatol Sidarevič, układalnik i navukovy redaktar, adznačaje, što «kniha źmiaščaje 150 tekstaŭ, napisanych Łuckievičam z 1906‑ha pa 1937‑y hod. Tut sabranyja dakumienty biełaruskaha ruchu. Tamu što Łuckievič žyŭ u im i hety ruch uznačalvaŭ. Tvory Antona Łuckieviča i siońnia aktualnyja. Jon zaŭsiody byŭ u avanhardzie».
Vydaŭcami vystupili vilenski «Instytut biełarusistyki» i «Biełaruskaje histaryčnaje tavarystva» ź Biełastoka.
«Dla mianie hetaja kniha vielmi kaštoŭnaja. Jana pakazvaje, jak možna być sacyjał‑demakratam i adnačasova zmahacca za niezaležnaść Biełarusi», — kaža Sidarevič.
Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili27
Kamientary