Biełaruskija navukoŭcy pracujuć nad robatam-dajarkaj
U Biełarusi płanujuć pierajści na ličbavaje dajeńnie karoŭ. Płanujuć, što štučny intelekt vyrašyć i pytańnie z kadrami na fiermach, paviedamlaje STB.
Nad intehralnym rabatyzavanym aparatam dla dajeńnia karoŭ pracuje 90-hadovy biełaruski navukoviec Uładzimir Pieradnia.
«My pastavili zadaču zrabić intelektualnuju rabatyzavanuju ŭstanoŭku, jakaja dazvalaje atrymać vysakajakasnaje małako ź nizkim koštam i pradoŭžyć žyćcio žyvioł. Nie 2, 7, a choć by hadoŭ 7—8», — kaža navukoviec, jaki pracuje ŭ łabaratoryi NPC NAN Biełarusi pa miechanizacyi sielskaj haspadarki.
Jon ličyć, što z dapamohaj elektronnaj dajarki ŭ krainie ŭdasca naraścić pastaŭki małaka. Paśla taho jak žaleznaj rukoj robata abzaviaducca haspadarki, vyklučany budzie i čałaviečy faktar.
Robata-dajara buduć vyrablać na adnym z pradpryjemstvaŭ Minska. Termin akupnaści — da 10 hadoŭ. Novyja kampjutarnyja sistemy dla haspadarak vyhadnyja i ŭ razy buduć tańniejšyja za zamiežnyja anałahi, abiacajuć navukoŭcy.
«Hetaja raspracoŭka ŭ nas pačałasia ŭ kancy minułaha hoda. I vyprabavańni pryjomačnyja zapłanavany na pačatak 2025 hoda. Heta značyć pieršy dośledny ŭzor my ŭžo ŭ 2025 hodzie ŭbačym, i dalej jon pastupić u sieryju. My pracujem sumiesna ź Instytutam pa žyviołahadoŭli, heta značyć, jany składajuć nam technałahičnyja rehłamienty», — kaža Jaŭhien Žylič, zahadčyk łabaratoryi NPC NAN Biełarusi pa miechanizacyi sielskaj haspadarki.
U Biełaruskaj pravasłaŭnaj carkvie abnavili ceńnik? Voś jakija buduć rekamiendavanyja taryfy5
Kamientary
i čamu, živia v takoj priekrasnoj sranie, adčuvaju siabie takoj karovaj?