Futbolny kłub «Lvoŭ» aficyjna abviaściŭ ab zvalnieńni biełaruskaha śpiecyjalista Aleha Dułuba z pasady hałoŭnaha treniera kłuba, paviedamlaje «Trybuna».
![](http://nashaniva.com/img/w840d4webp1/photos/z_2023_03/rjo7ahl_gk4-4kd3z-9hwei.jpg.webp)
Biełaruski śpiecyjalist pracavaŭ z kamandaj ź vieraśnia 2021 hoda. Za hety pieryjad Aleh Dułub pravioŭ 31 matč: 9 vyjhryšaŭ, 7 ničyich i 15 paražeńniaŭ.
U biahučym siezonie pad kiraŭnictvam Aleha Dułuba «Lvoŭ» pravioŭ 17 matčaŭ — 3 pieramohi, 4 ničyje i 10 paražeńniaŭ. Kamanda na apošnim miescy va UPŁ — 13 ačkoŭ u 17 matčach. Tamu pryčyny zvalnieńnia vidavočna čysta spartyŭnyja.
Razam z Dułubam zvolnieny i jaho pamočnik Alaksandr Hranoŭski.
U Biełarusi Dułub viadomy pa supracoŭnictvie z «Krumkačami» — adzinym kłubam, što vyraziŭ salidarnaść z achviarami paślavybarčaha hvałtu ŭ 2020 hodzie. Sam trenier taksama nieadnarazova publična vykazvaŭsia i suprać dziaržaŭnaha hvałtu ŭ Biełarusi, i suprać vajny va Ukrainie.
Kamientary