U biełaruskich škołach źjavicca niezvyčajny fakultatyŭ, vynikaje z pastanovy Minadukacyi №39 ad 3 lutaha, jakaja siońnia, 23 sakavika, apublikavanaja na Nacyjanalnym pravavym internet-partale. Dzieci na im buduć zajmacca hulnioj u chakiej.
Novaŭviadzieńnie zakranie tolki vučniaŭ ź pieršaha pa treci kłasy.
Navučalnaja prahrama raźličanaja na 34 hadziny ŭ hod (heta značyć, adnu hadzinu na tydzień) abo 68 hadzin (ci dźvie hadziny na tydzień) dla navučencaŭ pieršych i druhich kłasaŭ.
U treciakłaśnikaŭ dadasca jašče adna ci dźvie hadziny na hod praz toje, što ŭ ich niama dadatkovych vakacyj u lutym.
«Meta hetaj navučalnaj prahramy — pryciahnieńnie vučniaŭ da sistematyčnych zaniatkaŭ chakiejem dla ŭmacavańnia zdaroŭja i ŭsiebakovaha fizičnaha raźvićcia», — havorycca ŭ dakumiencie.
Paśla naviedvańnia fakultatyva, u školnikaŭ mohuć pravieryć navyki, jakija jany atrymali. Naprykład, treba budzie viedać pra historyju ŭźniknieńnia i raźvićcia chakieja. A jašče — umieć pierasoŭvacca na kańkach, vałodać kluškaj i šajbaj, uzajemadziejničać z adnahodkami «ŭ pracesie sumiesnaj fizkulturnaj i spartyŭnaj dziejnaści».
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Kamientary