U Homieli z 30 kastryčnika pa 2 listapada ŭzrovień zachvorvańniaŭ na hryp i VRVI pieravysiŭ parohavy ŭ 3—5 razoŭ. Pra heta paviedamlajecca ŭ pastanovie hałoŭnaha sanitarnaha lekara Homiela Uładzimira Zinoviča (№ 4 ad 3 listapada), apublikavanaj na aficyjnym sajcie harvykankama.
Takim čynam, pavodle zaklučeńnia hałoŭnaha sanitarnaha lekara, na terytoryi horada pačaŭsia epidemičny padjom zachvorvańniaŭ na hryp i VRVI.
Dla praduchileńnia dalejšaha raspaŭsiudžańnia zachvorvańniaŭ na hryp i VRVI kiraŭnikam arhanizacyj achovy zdaroŭja pradpisana
«zabiaśpiečyć efiektyŭnuju pracu vientylacyjnych sistem; rehularnaje pravietryvańnie, ultrafijaletavaje abpramieńvańnie i praviadzieńnie vilhotnaj uborki pamiaškańniaŭ z vykarystańniem dezinfikujučych srodkaŭ; arhanizavać pastajannaje našeńnie piersanałam srodkaŭ indyvidualnaj zaściarohi orhanaŭ dychańnia sa źmienaj ich praz 3—4 hadziny pracy; arhanizavać pieravažnaje absłuhoŭvańnie i lačeńnie chvorych ź simptomami VRVI doma; svoječasova špitalizavać chvorych ź ciažkimi i ŭskładnienymi formami hrypu i VRVI».
Miedykam taksama daručana
«maksimalna abmiežavać praviadzieńnie ŭ dziciačych paliklinikach pryjomu zdarovych dziaciej da troch hadoŭ i prafiłaktyčnych miedycynskich ahladaŭ školnikaŭ; ažyćciaŭlać rehistracyju i manitorynh zachvorvańniaŭ na VRVI, hryp i pnieŭmanii siarod nasielnictva na terytoryi absłuhoŭvańnia; ažyćciaŭlać aktyŭnaje nazirańnie za asobami z najaŭnaściu uskładnieńniaŭ paśla hrypu i VRVI».
Miedrabotniki pavinny zabiaśpiečyć zabor materyjału dla virusałahičnych daśledavańniaŭ ad chvorych na hrypapadobnyja zachvorvańni, u pieršuju čarhu ŭ kalektyvach dziaciej i darosłych pry łakalnych uspyškach, u tym liku siamiejnych, i ŭ asob ź ciažkimi formami prajaŭleńnia hrypoznaj infiekcyi.
Kiraŭniki dziciačych daškolnych ustanoŭ, škoł, škoł‑internataŭ, zhodna z pastanovaj, pavinny: «zabiaśpiečyć rańniaje vyjaŭleńnie, ulik i svoječasovaje ŭstaranieńnie z kalektyvaŭ asob, jakija zachvareli na hryp i VRVI; pavialičyć znachodžańnie dziaciej na śviežym pavietry; abmiežavać praviadzieńnie masavych vidoviščnych, spartyŭnych i inšych mierapryjemstvaŭ».
Kiraŭnikam arhanizacyj niezaležna ad formy ŭłasnaści pradpisana
svoječasova vyjaŭlać zachvarełych na hryp i VRVI i izalavać ich ad kalektyvu. Supracoŭniki pradpryjemstvaŭ śfiery absłuhoŭvańnia (parykmachierskija, pradpryjemstvy hramadskaha charčavańnia, handlu i h.d.) pavinny vykarystoŭvać zaścierahalnyja maski i mianiać ich kožnyja 3—4 hadziny.
Pastanova ŭvodzicca ŭ dziejańnie 4 listapada.
Ciapier čytajuć
Chto taja Alina, ź jakoj Łukašenka tancavaŭ hetym razam na navahodnim bali15
Kamientary