Siońnia ŭranicu bryhada lekaraŭ stancyi chutkaj dapamohi ŭ Bieraści naviedała kvateru Lubovi Razanovič. Jak stała viadoma Radyjo Svaboda, udzielnica haładoŭki ŭładalnikaŭ i kiroŭcaŭ maršrutnych taksi dastaŭlena ŭ centralny haradzki špital Bieraścia, što na vulicy Stachiejeva.
Siońnia ŭranicu bryhada lekaraŭ stancyi chutkaj dapamohi ŭ Bieraści naviedała kvateru Lubovi Razanovič. Jak stała viadoma Radyjo Svaboda, udzielnica haładoŭki ŭładalnikaŭ i kiroŭcaŭ maršrutnych taksi dastaŭlena ŭ centralny haradzki špital Bieraścia, što na vulicy Stachiejeva.
Havoryć bieraściejski pradprymalnik Viktar Čajkoŭski:
«Ja naviedaŭ kvateru Razanovič kala 9-j hadziny ranicy. Dźviery adčynili dzieci – Arciom i Paŭlik. Abodva zapłakanyja. Pytalisia, kali vierniecca dadomu mama?»
Sa słoŭ Viktara Čajkoŭskaha, paśla medahladu Luboŭ Razanovič znachodzicca ŭ terapeŭtyčnym adździaleńni Centralnaha haradzkoha špitalu Bieraścia. Fakt špitalizacyi Lubovi Razanovič paćvierdzili daktary adździaleńnia, jakoje ŭznačalvaje Ŭładzimier Svarcevič.
Karespandentu Radyjo Svaboda ŭdałosia pahutaryć ź Luboŭju Razanovič. Siońnia – vośmyja sutki, jak jana trymaje suchuju haładoŭku. Pavodle spadaryni Razanovič, stan jejnaha zdaroŭja ciažki, jana časta hublaje prytomnaść. Žančyna davodzić, što špitalizacyja była zmušanaja:
(Razanovič: ) «Mnie paviedamili, što «chutkuju» nakiravaŭ pamočnik namieśnika staršyni Bieraściejskaha abłvykankamu Viačasłaŭ Miatlicki. Na hety raz ja nia zdoleła admovicca ad dapamohi ŭračoŭ, bo niekalki razoŭ hublała prytomnaść. Maje dzietki ŭ rospačy. Vielmi za ich chvalujusia».
Padrabiaznaści pra raźvićcio siońniašniaj sytuacyi ŭ Bieraści – paźniej na sajcie i ŭ efiry Radyjo Svaboda.
Akcyja pratestu ŭ Bieraści pačałasia 5 lipienia. U joj udzielničajuć 15 čałaviek. Heta ŭładalniki maršrutnych taksi, ichnyja svajaki, kiroŭcy j dvoje pradprymalnikaŭ-handlaroŭ. Udzielniki akcyi pratestujuć suprać traktoŭki Ŭkazu prezydenta №140 ad 22 sakavika 2004 hodu ab respublikanskim zbory za ŭvoz u krainu transpartnych srodkaŭ z kamercyjnaj metaj. Jany tłumačać, što ŭvieźli mašyny raniej za 2004 hod.
Kamientary